FEATURES

Nakatakdang i-welcome online ng SM Foundation Inc. Sa pamamagitan ng scholarship program nito ang mahigit tatlong daang bagong iskolar para sa school year 2022-2023 sa Agosto 27.

Sa nasabing bilang, 40%  rito ay mula sa National Capital Region (NCR) habang ang 60% ay galing sa iba’t ibang lalawigan sa bansa.

Live na mapapanuod ang virtual gathering sa facebook na lalahukan ng mga opisyal ng SM Foundation, SM Scholar Alumnus, at New SM scholars na magbibigay rin ng kanilang mga mensahe.

Ang SM Foundation Scholarship Program ay naglalayon na mabawasan ang kahirapan sa bansa sa pamamagitan ng pagbibigay ng scholarship grants sa mga mahihirap ngunit karapat-dapat na estudyante.

Umabot naman sa mahigit 8k mag-aaral sa kolehiyo at tech-voc scholar ang napagtapos ng nasabing scholarship program.

Ang programa ay inuugnay sa paniniwala ng yumaong founder ng SM  Group na si Henry Sy Sr.  Na ang edukasyon ang tutulong para makaahon sa kahirapan.

Nagbibigay-daan din ang nasabing programa sa SM na makapagbigay ng kontribusyon sa United Nations Sustainable Development Goals (SDG) sa pamamagitan ng pagbubukas ng patas na mga oportunidad at de-kalidad na edukasyon para sa mga kabataan.

Saklaw naman ng SM Foundation Scholarship Program ang mga sumusunod na larangan sa pag-aaral:

• Computer Science
• Information Technology
• Engineering (Civil, Electrical, Mechanical, Computer and Electronics)
• Education (Elementary and Secondary)
• Accountancy, at Financial Management

Posibleng manatili sa mahigit 6% ang inflation rate sa Pilipinas sa ikalawang bahagi ng taong 2022.

Ayon sa First Metro Investment Corporaton at University of Asia and the Pacific, inaasahan nilang magiging matatag pa rin ang ekonomiya ng bansa sa kabila ng pagbagal ng sigla nito sa buong mundo.

Noong Hulyo, naitala sa 6.4% ang inflation sa bansa na pinakamataas sa halos apat na taon.

Pumalo naman sa 4.7% ang inflation noong ikalawang kwarter ng 2022, mas mataas sa pagtaya ng Central Bank na 2% hanggang 4%.

Aabot sa 100,000 pesos ang reward na ibinigay ng lokal na Pamahalaan ng Muntinlupa sa lolang nagdiwang ng ika-100 kaarawan noong Agosto 11.

Personal na ipinaabot ni Muntinlupa Mayor Ruffy Biazon ang cash gift kay Aida Cruz Del Rosario, na kauna-unahan ding registered female architect sa bansa.

Nagtapos ito sa University of Santo Tomas sa panahong dominado ng mga lalaki ang nasabing larangan.

Si Lola Aida rin ang kauna-unahang centenarian na tumuntong sa edad na 100 sa Muntinlupa.

Ang cash award ay alinsunod sa Centenarians Act of 2016 o Republic Act 10868, na nag-uutos sa pamahalaan na parangalan ang mga mamamayang 100 taong gulang pataas upang kilalanin ang kanilang kontribusyon sa bansa.

Maglalagay ng solar panels ang lokal na pamahalaan ng Makati City sa mga pampublikong paaralan at local government offices nito.

Layon nitong mabawasan ang energy consumption at maisulong ang mas malinis at sustainable na komunidad.

Nais ni Makati City Mayor Abby Binay na maging ”Pioneer” ang siyudad sa paggamit ng renewable energy sa mga public schools at local government offices.

Ang paglalagay aniya ng solar panel ay gagawin kada batch kung saan, magiging pilot site nito ang Comembo Elementary School.

Makikinabang din dito ang nasa 25 elementary schools, 10 junior high schools at 8 senior high schools.

Una nang nagdeklara si Binay ng State of Climate Emergency sa lungsod at nangakong gagawa ng mga hakbang upang mabawasan ang greenhouse gas emissions sa financial center ng bansa.

Determinado ang Eternal Gardens na patuloy na pamamayagpag bilang prime developer ng first class memorial parks sa bansa at provider ng top quality memorial care products at services.

Kasunod na rin ito nang pagdiriwang ng Eternal Gardens ng ika-46 na anibersaryo nito ngayong buwan.

Sa halos 5 dekadang pangingibabaw sa industriya, patuloy na pinanghahawakan ng Eternal Gardens ang vision ng founder nitong si Ambassador Antonio Cabangon Chua para mapaigting ang commitment at compassion nito upang matulungan ang mga pilipinong makaagapay sa hirap nang mawalan ng mahal sa buhay at makapaghanda sa pangangailangan ng bawat pamilya sa mga susunod na panahon.

Tiniyak ng pamunuan ng Eternal Gardens ang pinagandang mga serbisyo nito may kaugnayan sa modern mortuary and chapel facilities.

Binigyang diin ni D. Edgard Cabangon, chairman ng Eternal Gardens na palalakasin nila ang kampanya para maging aware ang publiko sa mga benepisyo nang paghahanda sa mga contingency ng buhay.

Ang eternal gardens ay mayruong sangay sa Balintawak, Quezon City, Sta. Rosa at Cabuyao sa Laguna, Dagupan City, Pangasinan, Greenhills, Cagayan de Oro City at Naga City.

Eternal Gardens – a glimpse of heaven on a patch of earth!

Patuloy na pinaigting ng Eternal Gardens ang commitment at compassion nito para sa serbisyo sa mga Pilipino.

Kasunod na rin ito nang pagdiriwang ng Eternal Gardens ng ika-46 na anibersaryo nito sa buwang ito.

Tiniyak ng pamunuan ng Eternal Gardens ang pinagandang mga serbisyo nito sa halos limang dekada nang pamamayagpag sa industriya.

Kabilang sa mga alok na serbisyo ng Eternal Gardens ay modern mortuary and chapel facilities.

Ang Eternal Gardens ay mayruong sangay sa Balintawak, Quezon City, Sta Rosa at Cabuyao sa Laguna, Dagupan City, Pangasinan, Greenhills, Cagayan De Oro City at Naga City.

Eternal Gardens – A Glimpse of Heaven on a Patch of Earth!

Napasama sa Best Under a Billion List ng Forbes Asia ang tatlong kumpanya mula sa Pilipinas.

Ito ang listahan na kumikilala sa 200 trade companies sa buong mundo na may benta na mababa sa isang bilyong dolyar.

Ang tatlong kumpanyang nasama sa listahan ay ang Col Financial Group, Crown Asia Chemicals Corporation at Eagle Cement Corporation.

Ang tatlong ito ay may benta na 27 hanggang 434 milyong dolyar kada taon.

Ilan pa sa mga kumpanyang napasama sa listahan ay mayroong koneksyon sa semiconductors, software and services, pharmaceuticals, healthcare, at manufacturing.

Tinawag ng Gastronomic Catalog na Taste Atlas na ‘Best Egg Dish’ sa buong mundo ang Tortang Talong.

Sa ibinahaging tier list ng Taste Atlas, nakakuha ang Tortang Talong ng 4.7 audience rating, sinundan ng Kuku Sabzi ng Iran na may 4.6; at Huevos Divorciados ng Mexico na may 4.5.

Nasa kategoryang ”great” naman ang “Eggs Benedict” ng Amerika at “Tortilla de Patata” ng Spain na kapwa nakakuha ng 4.2 rating, at “Omurice” ng Japan na mayroong 4.1.

Pinangalanan naman bilang worst egg dish ang Balut, na nakakuha lamang ng 2.7 na rating.

Samantala, hinirang din ng flavor encyclopedia bilang 7th best soup in the world ang Sinigang, kasama ang Bulalo at Tinolang Manok.

Pagmamahal at pagtitiwala sa gawa at salita.

Ito ang binigyang-diin ni D. Edgard Cabangon, chairman ng CityState Savings Bank matapos pangunahan ang pagdiriwang ng ika-25 anibersaryo ng nasabing bangko na nakatutok sa pagpapaigting ng kampanya para makapag-impok ang mga pilipino.

Nagpasalamat din si Cabangon sa tulong ng mga empleyado para maipagpatuloy ang commitment at legacy ng amang si dating Ambassador Antonio Cabangon Chua para sa serbisyo publiko.

Pasasalamat din sa dating ambassador ang ipinaabot ni Jaime Valentin, Chief Operating Officer ng CS Bank para maisakatuparan ang mga vision, mission at core values ng bangko na kanila pang paiigtingin sa susunod na limang taon.

Target aniya nilang mapabilang ang citystate savings bank sa top 10 thrift banks sa buong bansa at top 5 private lending institutions sa susunod na sampung taon kasama ang pagtatayo ng mga sangay sa iba’t ibang rehiyon.

Sinabi naman ni Benjie Ramos, Presidente ng CS Bank na pursigido silang gawin ang marami pang mga bagay para palawigin pa ang kanilang operasyon bilang bahagi ng serbisyo publiko sa pamamagitan ng CityState Savings Bank.

Binigyang-diin ni SM Foundation Incorporated o SMFI Executive Director for Health and Medical Programs Ms. Connie Angeles na bukod sa  medical mission ng SMFI ay nagsasagawa rin ang foundation ng outreach, livelihood at scholarship programs.

Hindi lamang health services ang ibinibigay doon, kapag nag-alaga kami ng komunidad kinakailanga mayroon d’yan eskuwelahan…at may mga scholarship program na ibinibigay d’yan. May mga livelihood din sa pamamagitan ng aming outreach programs tapos meron tayong farmers training program du’n sa komunidad na ‘yun at ito ngang health services na ito.  So lahat ‘yan ay inaalagaan…so ‘yun ‘yung mga determining factors kung saan kami nagsasagawa ng medical mission, kung saan ‘yung mga komunidad na meron kaming mga businesses ‘yun ang aming pinalalakas ang kanilang mga kalusugan, ang kanilang mga kaisipan at ang kanilang mga pangangailangan

Habang ayon naman kay SMFI Physician Dra. Bless Bertos, lagi itong nakikipag-ugnayan sa lokal na pamahalaan para sa maayos na koordinasyon at daloy ng mga isinasagawa nitong programa

We coordinate with the city health, we coordinated with the DSWD, with the LGU…para pag-execute naming perfect nadoon lahat.

Iyan ang magkasunod na pahayag nina SMFI Executive Director for Health and Medical Programs Ms. Connie Angeles at SMFI Physician Dra. Bless Bertos sa panayam ng DWIZ