FEATURES

Marami pang foreign telecommunications company ang nagpahayag ng interes na mag-invest sa Pilipinas matapos isabatas ang inamyendahang Public Service Act.

Ayon kay Department of Information and Communications Technology Secretary Emmanuel Rey Caintic, papaspasan na nila ang proseso ng aplikasyon sa sinumang nais na pumasok at mag-alok ng TelCo services sa bansa.

Ilan anya sa mga kompanyang ito ay mula sa US at Europa na hindi muna niya pinangalanan.

Una nang ibinunyag ng Department of Trade and Industry na plano ng Spacex, na pagmamay-ari ng pinaka-mayamang tao sa mundo na si Elon Musk, na magtatag ng Starlink Satellite Broadband Service sa Pilipinas.

Kinumpirma rin ni Trade Secretary Ramon Lopez na tutulungan nila ang Spacex na kasalukuyan nang naghahanap ng lokasyon.

Idinagdag naman ni Caintic na inaasikaso na ng Spacex ang mga dokumento nito sa Securities and Exchange Commission, bukod pa sa mga permit mula sa National Telecommunications Commission at sa DICT.

Maraming tao ang mahilig sa kape lalo na ang mga kailangang magising at magpuyat.

Pero ayon sa mga doktor, bagama’t may mga magandang idudulot ang pag-inom ng kape, kapag nasobrahan ay maaaring magdulot ng masamang epekto sa kalusugan. Ito ang mga sumusunod;

1. Anxiety, palpitation at anger outburst. Mabilis nerbyosin, kabahan, iritable at nagiging magagalitin. Ang kape ay isang central nervous system stimulant. Nagdudulot ito ng pagalabas ng adrenaline, dopamine at glutamate na nagdudulot ng fight or flight response sa ating katawan. para maiwasan ito, maaaring uminom ng decaf na kape.

2. Aantukin ka sa umaga matapos uminom ng maraming kape sa gabi. Kapag nawala na ang epekto ng kape sa katawan, aantukin ka at manghihina.

3. Madalas kang maiihi kaya pwedeng madehydrate. Ang kape ay diuretic o pampaihi. Siguruhin na kapag uminom ka ng kape ay uminom ka rin ng tubig upang hindi ka madehydrate.

4. Maaaring magtae o mas dumalas ang pagtae dahil ang kape ay laxative sa halos 30% ng mga tao.

5. Nakakasira sa dami at kalidad ng tulog ang pag-inom ng kape. maaari nitong sirain ang iyong biological clock.

Kaya laging payo ng marami, uminom ng kape pero tandaan ang katagang drink responsibly!