FEATURES

Suspek sa pagpatay sa isang Pinay at Hapones sa Pasig, nahuli na

Naaresto na ng pulisya ang suspek sa pagpatay sa isang babae at lalaking Hapones sa Pasig City.

Kinilala ang suspek na si Christian Leona na itinuturong pumatay sa kanyang girlfriend na si Ana Marie Dalusong, 38 anyos at Yasunori Mori, 73 anyos.

Naganap ang krimen sa bahay ng mga biktima sa barangay manggahan kung saan natagpuan ang kanilang mga bangkay dakong alas otso ng gabi noong Marso 28.

Ayon sa Pasig City Police, sinakal umano ni Leona si Dalusong habang si Mori, na tiyuhin ni Ana Marie ay 13 beses sinaksak.

Batay sa imbestigasyon, tinangka umanong makipag-hiwalay ni Ana Marie kay Christian dahilan upang isagawa nito ang krimen.

Nahaharap ang suspek sa kasong murder at theft matapos mapag-alamang nawawala ang ilang gamit ng mga biktima.

April 7, 2022 0 comment

FEATURES HEADLINES

Ekonomiya ng bansa, posibleng lumago ngayong taon

written by Judith Estrada-Larino

Inaasahang lalago ang ekonomiya ng bansa sa taong ito at sa 2023.

Ayon sa Asian Development Bank (ADB), ito ay dahil sa tumataas na domestic investment at consumption.

Batay sa Asian Development Outlook 2022, papalo sa 6% sa taong ito at 6.3% sa susunod na taon ang Gross Domestic Product (GDP) ng bansa.

Una nang itinakda ng economic managers ng bansa ang target nitong 6% hanggang 7% na paglago ng ekonomiya para sa 2022.

Ang tinatayang expansion ay dulot ng pagluluwag ng restrictions para mas maraming negosyo pa ang magbukas gayundin ang international travel restrictions at pagpapabilis ng vaccination roll-out.

Binigyang diin ni ADB Philippines Country Director Kelly Bird na lahat ng indicators at factor ay senyales nang paglago ng ekonomiya ng bansa at kayang harapin ang mga epekto ng external factors mula sa geopolitical tensions.

April 6, 2022 0 comment

FEATURES NATIONAL NEWS

Beteranong Centenarian na si Private Juan Aquino Jacob, binigyang parangal ng AFP

written by DWIZ 882

Ginawaran ng military honors ng Armed Forces of the Philippines o AFP ang beterano ng World War II na si Private Jua Aquino Jacob.

Pumanaw si Jacob isang buwan bago ang kaniyang ika-102 na kaarawan at inihatid sa huling hantungan nito lamang April 2 kung saan siya pinagkalooban ng parangal bilang isang bayani.

Si Private Jacob ang isa sa pinakamatandang beterano ng ikalawang digmaang pandaigdig, na nagsilbi sa United States Army Forces in the Far East o USAFFE.

20-anyos lamang siya nang maging enlisted personnel sa ilalim ng Alpha Company ng 52nd Engineer Battalion ng USAFFE 51st Infantry Division na siyang sumagupa laban sa mga puwersa ng Hapon.

Isa rin siya sa mga nakaligtas sa malagim na Bataan Death March kung saan, naka-ukit ang kaniyang pangalan sa talaan ng mga bayani na nasa Shrine of Valor sa Mt. Samat, Bataan.

April 5, 2022 0 comment

HEADLINES METRO PATROL

E-sabong betting station sa Cavite, Hinoldap

written by Gilbert Perdez

Hinoldap ng isang lalaki ang isang E-sabong betting station sa Rosario, Cavite matapos umanong maubos ang kanyang pera na P200,000 sa kakatalpak.

Kinilala ang suspek na si Christian Rodriguez, nakatira sa nasabing lugar.

Ayon sa pulisya, tinangay ni Rodriguez ang P380,000 na cash mula sa MJR betting station sa Barangay Bagbag 1.

Inihahanda na ang kaukulang reklamong isasampa laban sa suspek.

April 2, 2022 0 comment

METRO PATROL NATIONAL NEWS

Dalawang indibidwal, arestado matapos mahulihan ng hinihinalang shabu sa Taguig

written by Gilbert Perdez

Arestado ang dalawang indibidwal matapos mahulihan ng hinihinalang shabu sa Pulse St., Arca South, Brgy. Western Bicutan, Taguig City.

Kinilala ang mga suspek na sina Rolando Gayas at Christian Castillo, pawang nakatira sa nasabing lungsod.

Bukod sa P500 buy-bust money, nasabat din sa operasyon ang halos P70K halaga ng hinihinalang shabu.

April 2, 2022 0 comment

METRO PATROL NATIONAL NEWS

Arestado ang dalawang lalaki matapos mahulihan ng shabu sa Taguig

written by DWIZ 882

Kulong ang dalawang lalaki, kabilang ang isang driver, matapos mahulihan ng umano’y shabu sa Bagong Buhay, Brgy. San Miguel, Taguig City.

Ang mga suspek na sina Dalisay Mastrili at Francisco Salon ay nadakip sa isinagawang Oplan Galugad ng mga pulis.

Nasabat mula sa dalawa ang halos dalawang gramo ng hinihinalang shabu na tinatayang nagkakahalaga ng halos P11K.

Mahaharap ang mga suspek sa reklamong paglabag sa comprehensive dangerous drugs act.

April 2, 2022 0 comment

HEADLINES METRO PATROL

Dalawang tulak umano ng shabu, patay sa isinagawang buy-bust operation sa Taguig

written by Gilbert Perdez

Nagwakas ang maliligayang araw ng dalawang tulak umano ng shabu matapos masakote sa isinagawang buy-bust operation ng mga pulis sa J. Ramos St., Brgy. Ibayo-Tipas, Taguig.

Ayon sa pulisya, nakilala ang mga suspek na sina Allan Bobotiok at Mercindo Bobotiok, parehong nakatira sa nasabing barangay.

Isang pulis ang nagpanggap na bibili ng droga mula sa mga suspek at nang magkaabutan na ng pera ipinagbabawal na gamot ay doon na pinosasan ang mga ito.

Nasabat sa operasyon ang higit 39,000 pesos na halaga ng hinihinalang shabu, isang pitaka, at dalawang daang pisong buy-bust money.

Mahaharap sa kaukulang reklamo ang mga naturang suspek.

April 2, 2022 0 comment

METRO PATROL NATIONAL NEWS

Apat na indibidwal, arestado matapos mahulihan ng shabu sa Paranaque City

written by Gilbert Perdez

Kalaboso ang apat na indibidwal, kabilang ang dalawang construction workers at isang driver, makaraang mahulihan ng ipinagbabawal na droga sa Clinic Ville, Brgy. BF Homes, Parañaque City.

Kinilala ang mga suspek na sina Dionesio Guevarra Bejer, Metucila Castillo Bachao, June Dela Cruz Orale at Romnil Labong Tamayo.

Nakumpiska sa operasyon ang tinatayang sampung gramo ng umano’y shabu na nagkakahalaga ng P68K, P1,500 na buy-bust money at pitaka.

Nakakulong na ngayon ang apat na suspek sa custodial facility habang inihahanda ang kaukulang reklamong isasampa laban sa mga ito.

April 2, 2022 0 comment

HEADLINES METRO PATROL

Dalawang lalaki, kulong matapos mahulihan ng shabu at baril sa Muntinlupa City

written by Gilbert Perdez

Naghihimas ngayon ng malamig na rehas na bakal ang dalawang lalaki matapos mahulihan ng umano’y shabu at baril sa Purok 4 Extension, Brgy. Alabang, Muntinlupa City.

Kinilala ang mga suspek na sina Mark Louie Mercado, 26 years old at Jose Baldonado Jr., 23 years old at isang bodegero.

Ayon kay SPD o Southern Police District Director PBGEN Jimili Macaraeg, nakuhanan sina Mercado at Baldonado ng higit 24,000 pesos na halaga ng umano’y shabu at dalawang kalibre .38 na baril at walong bala.

Nakakulong na ngayon ang dalawang suspek at nakatakdang sampahan ng kaukulang reklamo.

April 2, 2022 0 comment

HEADLINES METRO PATROL

Nahuhuling lumalabag sa gun ban na ipinatutupad ng Comelec, nadagdagan muli

written by Gilbert Perdez

Nadagdagan na naman ang bilang ng mga nahuhuling lumalabag sa Omnibus Election Code o gun ban na ipinatutupad ng (Comelec) Commission on Elections.

Ito’y makaraang maaresto ang isang Ruwel Dela Cruz sa Sitio Imelda, Brgy Upper Bicutan, Taguig City dahil sa pagdadala ng hindi lisensyadong baril.

Bitbit ang search warrant na inisyu ng korte, hinalughog ng mga pulis at mga barangay officials ang tahanan ni Dela Cruz kung saan nakumpiska rito ang isang kalibre .38 baril, isang cellphone at ilang piraso ng mga bala.

Ayon sa (SPD) Southern Police District, ikinasa ang operasyon bilang bahagi ng paghahanda ng Phil. National Police para sa malinis at mapayapang eleksiyon.

April 2, 2022 0 comment

Newer Posts

Older Posts