Sa ikalimang sunod na linggo, lalong bumaba ang produksyon ng asukal sa Pilipinas.
Batay sa datos ng Sugar Regulatory Commission, bumagsak sa 1. 63M metrikong tonelada ang produksyon noong Abril o 7.9% production.
Kumpara ito sa 1.76M metrikong tonelada sa kaparehong panahon noong 2021.
Isa sa mga dahilan ng mababang produksyon ang epekto ng bagyong Odette sa mga tubohan.
Sa kabila nito, tumaas naman ang demand sa asukal na pumalo sa 4.55%.
Maraming tao ang mahilig sa kape lalo na ang mga kailangang magising at magpuyat.
Pero ayon sa mga doktor, bagama’t may mga magandang idudulot ang pag-inom ng kape, kapag nasobrahan ay maaaring magdulot ng masamang epekto sa kalusugan. Ito ang mga sumusunod;
Kaya laging payo ng marami, uminom ng kape pero tandaan ang katagang drink responsibly!
Bagsak sa kulungan ang isang empleyado ng Metropolitan Manila Development Authority (MMDA) dahil sa kasong pangongotong sa Pasig City.
Kinilala ang suspek na si Jomar Palata, 40 taong gulang, at nakatalaga sa Office of the Assistant General Manager for Operations ng MMDA.
Sa imbestigasyon, nagpanggap umano bilang law enforcement personnel ng Land Transportation Office o LTO si Palata at nanghihingi ng isang daang libong piso (P100,000) sa isang negosyante kapalit ng hindi paghuli sa kanyang mga commuter vans.
Mahaharap ang suspek sa mga reklamong robbery extortion, grave coercion, at usurpation of authority.
Timbog ang isang lalaki na matagal nang wanted dahil sa kasong rape sa West Floodway, Cainta, Rizal.
Kinilala ang naaresto na si Renaly Mercado, 54 taong gulang, at no.1 most wanted person ng Eastern Police District (EPD).
Nabatid na nagtago sa Cavite si Mercado matapos makasuhan ng two counts ng kasong rape sa isang korte sa Taytay hanggang sa bumalik ito sa kanilang lugar kung saan nadakip ng mga pulis.
Pinuri naman ni EPD District Director PBGen. Orlando Yebra ang kanyang mga tauhan sa pagkakadakip kay Mercado, kasabay ng utos sa mga ito na huwag titigil hangga’t hindi nahuhuli ang lahat ng mga wanted persons sa kanilang area of responsibility (AOR).
Arestado ang isang tindero ng isda matapos mahulihan ng higit 700 libong pisong halaga ng umano’y shabu sa Osmeña St. corner Pateros St., Barangay Valenzuela, Makati City.
Kinilala ang suspek na si Noel Herrera, 56 taong gulang.
Ayon kay Makati Chief of Police, Police Col. Harold Dipositar, nasabat mula kay Herrera ang buy-bust money at 714,000 pesos na halaga ng umano’y shabu.
Inihahand na ang kaukulang kasong isasampa laban sa suspek.
Kalaboso ang dalawang hinihinalang drug pushers matapos mahulihan ng mahigit isang daang libong pisong halaga ng umano’y shabu sa Canada St., Brgy. San Dionisio, Parañaque City.
Ang magkapatid na sina Ramon Alcatin Villoga at Mary Grace Alcatin Villoga ay nahuli ng mga kagawad ng Parañaque City Police SDEU o Station Drug Enforcement Unit.
Maliban sa isang libong pisong buy-bust money, nasabat din sa operasyon ang 102,000 pesos na halaga ng umano’y shabu.
Mahaharap ang mga suspek sa reklamong paglabag sa Comprehensive Dangerous Drugs Act.
Nasakote ng mga pulis ang tatlong tulak umano ng ipinagbabawal na droga, kabilang ang isang babae, sa ikinasang buy-bust bust operation sa Lontoc St., Brgy. Calzada-Tipas, Taguig City.
Kinilala ang mga suspek na sina Julius Palma, Roger Dizumimba Dimacuta, at Mary Jane Luminda Agao.
Sangkot umano ang tatlong suspek sa talamak na kalakalan ng iligal na droga sa lungsod kaya’t isinailalim sa surveillance ang mga ito bago naikasa ang operasyon.
Walong sachets ng hinihinalang shabu na nagkakahalaga ng higit 250,000 pesos at limang daang pisong buy-bust money ang nasabat mula sa mga suspek na ngayo’y nahaharap sa kaukulang reklamo.
Mahigit isang daang libong pisong halaga ng umano’y shabu ang nasabat mula sa dalawang hinihinalang kilabot na drug pushers sa Acacia St., Sikat Village, Brgy. Tunasan, Muntinlupa City.
Kinilala ang mga suspek na sina Rasdie Bagonte, 25 taong gulang, at Rustico Mantilla, 45 taong gulang.
Matagal na umanong nakakatanggap ng sumbong ang mga pulis ukol sa illegal activities ng dalawa kaya’t ikinasa ang operasyon.
Bukod sa limang daang pisong buy-bust money, nakumpiska rin ang nasa 102,000 pesos na halaga ng umano’y shabu mula sa mga suspek na sasampahan ng reklamong paglabag sa Comprehensive Dangerous Drugs Act.
Naghihimas ngayon ng malamig na rehas na bakal ang dalawang lalaki matapos masakote sa magkahiwalay police operations sa Taguig City.
Sa Pineapple St., Brgy. New Lower Bicutan, arestado ang isang Mastura Lampay matapos makuhanan ng kalibre .38 na baril, isang belt bag, higit 80,000 pesos na halaga ng umano’y shabu at limang daang pisong buy-bust money.
Sa isa pang operasyon sa Brgy. Fort Bonifacio, Taguig City, huli ang isa pang drug suspect na si Francisco Masangkay.
Sinilbihan ng search warrant mula sa korte si Masangkay na nagresulta sa pagkakaaresto sa suspek habang nasabat mula rito ang higit 148,000 pesos na halaga ng hinihinalang shabu.
Patay ang isang bata matapos bugbugin at paulit-ulit na ibalibag sa kalsada ng kanyang tatay sa Rodriguez, Rizal.
Nakunan pa ng cctv ang malagim na sinapit ng biktima kung saan hubo’t hubad pa ang 25-anyos na suspek habang hinahampas ito sa kalsada.
Sinabi naman ng ina ng bata na ikinulong niya ang asawa sa loob ng kanilang bahay dahil sa kakaibang ikinikilos nito ngunit nagawa ng suspek na sirain ang kandado.
Dinala pa sa pagamutan ang bata ngunit dahil sa matinding pinsalang tinamo sa ulo ay nasawi ito.
Samantala, batay sa ulat ng mga otoridad ay nasawi rin ang suspek makaraan umanong ipukpok ang ulo sa pader habang nasa loob ng kulungan.