FEATURES

Patay ang isang tindero ng isda habang isa ang sugatan matapos pagbabarilin sa Quezon City.

Kinilala ang biktima na si Jerwin Goco na pinaslang sa Barangay Commonwealth, Quezon City.

Ayon sa imbstigasyon ng mga otoridad, wala umanong alam ang pamilya ni Goco na may nakaalitan ito at wala rin namang masamang bisyo.

Binaril din ng salarin ang isang residenteng nagbabantay sa kaniyang sari-sari store na nakakita sa pamamaril kay Goco.

Patuloy naman na iniimbestigahan ng mga pulis ang motibo at kung sino ang nasa likod ng krimen.

Isinapubliko na ng Bangko Sentral ng Pilipinas (BSP) ang 10M piraso ng bagong 1,000 peso polymer banknotes.

Ayon sa BSP, katumbas ito ng 0.7% ng sirkulasyon nang pinagsamang bilang ng 1 thousand peso paper bill.

Sa susunod na taon inaasahang aabot na sa 500M piraso ng polymer banknotes ang maisasama sa sirkulasyon.

Ang BSP ang nagdisenyo ng bagong salapi na inaprubahan naman ng National Historical Institute.

Nasa harap ng disenyo ang Philippine Eagle kapalit ng bayaning sina Vicente Lim, Josefa Llanes Escoda at Jose Abad Santos.

Kinumpirma ng Twitter na ibinebenta nito ang kanilang platform sa billionaire entrepreneur na si Elon Musk.

Nabatid na aabot sa 44 billion dollars ang deal value ng isa sa most influential social media platforms sa buong mundo.

Paliwanag ni Twitter Board Chair Bret Taylor, naniniwala sila na ito ang pinakamainam na hakbang para sa mga stockholder ng nasabing platform.

Sinabi ng Twitter na nakipagkasundo si Musk sa purchase price na 54.20 dollars per-share.

Matatandaang kamakailan lamang ay nakuha rin ni Musk ang malaking share sa Twitter.

Sinabi naman ni Musk, na isa ring self-proclaimed “free-speech absolutist”, na marami siyang planong gawin sa Twitter, kung saan kabilang dito ang pagpapahusay ng features nito at labanan ang spam bots.

Nasawi ang isang siyam na taong gulang na bata makaraang magulungan ng truck sa Tondo, Maynila nitong Sabado.

Naganap ang aksidente sa Northbound Lane sa kahabaan ng Del Pan Service Road Corner San Simon Street.

Batay sa imbestigasyon ng mga ototridad, mayroong nakasaksi na nagulungan ng likurang gulong ng truck ang ulo ng biktima na nagresulta sa agarang pagkamatay nito.

Nahaharap sa kasong homicide ang driver ng truck.

Sasailalim sa drug test at psychiatrist and expert test ang katiwalang nakapatay ng kaniyang alagang paslit dahil sa pambubugbog sa Quezon City.

Ayon kay Quezon City Police District Director Police Brig. Gen. Remus Medina, napag-alaman kasing may walong buwang gulang na anak ang suspek kaya’t titignan nila kung dumaranas ito ng postpartum depression.

Aniya, hindi raw kasi magagawa ng taong nasa normal na pag-iisip ang nasabing krimen sa batang anak ng isang overseas Filipino worker.

Maliban dito, aalamin ng otoridad kung gumagamit ng ipinagbabawal na gamot ang suspek.

Matatandaan nitong nakaraan nang makatanggap ng report ang pulisya mula sa ospital matapos makitang puno ng pasa sa likod, braso, at hita ang biktimang 2-anyos na bata na kalauna’y napag-alamang binalibag umano ang bata sa pader.

Sa ngayon, hinihintay na lamang ng otoridad ang pagdating ng ina ng bata kung papaya ito na isailalim sa otopsiya ang labi ng kaniyang anak habang isinailalim na sa inquest proceedings ang suspek  at nakatakdang kasuhan.

Aabot sa P250-M halaga ng smuggled na damit at pabango ang nakumpiska ng Bureau of Customs (BOC) at National Bureau of Investigation (NBI) sa Las Piñas City.

Ayon kay Alvin Enciso, Hepe ng Intelligence and Investigation Service ng BOC,  mga peke ang gamit na nakuha sa isang warehouse sa Perpetual Village 2 sa Barangay Pulang Lupa Dos.

Ni-raid ang nasabing lugar matapos makatanggap ng ulat na inihahalo ang mga pekeng gamit sa orihinal.

Patuloy naman ang imbestigasyon ng mga otoridad upang mahuli ang may-ari ng mga produktong sinasabing nanggaling sa China.

Isang sunog ang sumiklab sa isang residential area sa Payatas, Quezon City, kaninang umaga.

Batay sa ulat, sampung kabahayan ang naapektuhan ng sunog.

Nabatid na dalawa sa mga bahay ay ginagamit bilang storage space ng foam.

Sa ngayon ay wala pang detalye kaugnay sa sanhi, bilang ng nasaktan at halaga ng pinsala ng nangyaring sunog sa lugar.

Arestado ng mga otoridad ang mag-amang kinilalang sina Archieval David Tesoro, 44-anyos, at Aldrich Gabriel Tesoro, 21-anyos na nakuhanan ng mahigit 100 gramo ng shabu sa Brgy. San Antonio, Parañaque City.

Nakuha sa ikinasang buy-bust operation ng mga tauhan ng station drug enforcement unit at Sub Station 5 ang mga iligal na droga na may street value na aabot sa mahigit 700 libong piso kasama ng marked money at isang wallet.

Nakakulong na ang mag-amang suspek Sa Parañaque City Police Station Custodial Facility at nakatakdang sumailalim sa inquest proceedings.

 Patay matapos magbigti ang isang tauhan ng Philippine Coast Guard (PCG) sa loob ng Pcg compound sa Gate 2 Parola, sa Tondo, Maynila.

 Kinilala ang biktimang nasawi na si CG Apprentice Seaman o ASN Senen Arquiza Jr., 29-anyos na natagpuang wala nang buhay ng kanyang kasamahan na si CG ASN James Daryl Acaylar sa hagdanan ng PCG station.

 Ayon kay Acaylar, huli niyang nakitang buhay ang biktima habang ka-videocall ang kasintahan kung saan, nagkaroon umano ng pagtatalo.

 Matapos mag-usap ng dalawa ay tahimik na lamang na umupo sa hagdanan si Arquiza pero makalipas ang ilang oras ay nakatanggap ng text message si Acaylar mula sa kasintahan ng biktima at nakikiusap na puntahan ang kaniyang nobyo dahil nag-aalala umano ito.

 Nang puntahan ni Acaylar ang biktima, dito niya nadiskubre si Arquiza na nakabigti na ang leeg sa beam ng kisame, gamit ang isang nylon cord.

 Sinubakan pa umanong humingi ng tulong ni Acaylar sa PCG Medical Staff para i-revive ang biktima pero wala na umanong response si Arquiza.

Inaalam na ng mga otoridad ang dahilan ng pagpapakamatay ng biktima. - sa panulat ni Angelica Doctolero

Pinuri ng World Travel and Tourism Council (WTTC) ang Pilipinas sa  pinakahuling Economic Impact Report para sa taong 2021.

Ayon sa sektor, ramdam na ang pagsigla ng turismo sa iba’t ibang panig ng bansa matapos padapain ng COVID-19 pandemic simula noong nakaraan taon.

Pumang-apat ang Pilipinas sa pinakamabilis na lumagong turismo noong nakaraang taon.

Nabatid na gumawa ng makabuluhang rebound ang Pilipinas matapos makapagtala ng 41 billion dollars na kontribusyon sa ekonomiya ang naturang sektor.