FEATURES

Hinuli ng mga tauhan ng Southern Police District ang anim na suspek matapos makuhanan ng aabot sa mahigit P200,000 halaga ng iligal na droga sa ikinasang buy-bust operation sa barangay Bangkal, Makati City.

Ayon sa SPD, agad nilang inaresto ang mga suspek matapos positibong tanggapin ang buybust money mula sa mga pulis na nagpanggap na poseur buyer.

Nakuha sa mga suspek ang siyam na plastic sachet ng hinihinalang shabu na may street value na P217,000; pitong plastic sachet na naglalaman naman ng tatlumput limang gramo ng pinatuyong dahon ng marijuana na nagkakahalaga naman ng P4,200.

Nahaharap ngayon sa kasong paglabag sa RA 9165 o Comprehensive Dangerous Drugs Act of 2002 ang mga inarestong suspek. —sa panulat ni Angelica Doctolero

Inaresto ng mga otoridad ang apat na suspek sa ikinasang Anti-Illegal Drug Operation sa Parañaque City.

Kinilala ang mga suspek na sina Sunsodin Abuin Nulotan, alyas “Kiram,” 33-anyos; Alvin Sakatani Dalamban, 25-anyos; Rohanin Ungad Kali, 22-anyos; at Fatima Almira Delos Santos Abdulmari, 26-anyos.

Ayon sa mga tauhan ng Parañaque City Police Station, nasamsam sa mga suspek ang aabot sa dalawamput limang gramo ng shabu o katumbas ng labing anim na pakete ng shabu na may street value na P170,000; marked money at isang wallet.

sa ngayon, pansamantalang nakapiit sa Parañaque City Police Station Custodial Facility ang apat na suspek at nakatakdang sampahan ng kasong paglabag sa Republic Act 9165 o Comprehensive Dangerous Drugs Act of 2002.

Muling inireklamo sa Ombudsman si Malabon City mayor Lenlen Oreta dahil sa umano’y ilegal na paggastos ng pondo ng United Financial Assistance System for Tertiary education (UniFAST) para mga mag-aaral ng CMU o City of Malabon University.

Bukod kay Oreta, kabilang sa mga kinasuhan ng technical malversation at plunder ang mga miyembro ng lupon ng CMU at sangguniang panlungsod ng Malabon.

Ayon kay Dennis Garcia Padua, residente ng Malabon, dapat managot ang grupo ni Oreta kung saan kabilang sa kanilang mga ebidensya ang statement of accounts na nagpapakita ng listahan ng mga estudyanteng nakinabang sa tulong pinansiyal ng UNIFAST na ang mga beneficiary ay nasa halos limang libo.

Sinabi ni Padua na 46 million pesos lamang mula sa 80 million pesos na inilabas na pondo para sa mga beneficiary ng UniFAST ang nagamit noong 2020 samantalang 55 million pesos mula sa 90 million pesos ang napasakamay ng mga student beneficiary noong isang taon.

Puspusan na ang paghahanda ng mga residente sa 10 Barangay sa Quezon City sa pinalawig na water service interruption ng Maynilad.

Ang mga apektadong barangay ay ang San Jose, Santa Teresita, Santo Domingo, Sauyo, Siena, Sta. Lucia, Sta. Monica, Talayan, Talipapa at Tatalon.

Sa abiso ng Maynilad, hanggang katapusan ng Abril ang water service interruption na nararanasan sa ilang lugar sa Metro Manila at Bulacan.

Babalik na dapat noong April 15 ang water supply subalit pinalawig dahil sa mataas na demand bunsod ng mainit na panahon at mabilis na pagkaubos ng tubig sa ilang reservoir.

Tuwing alas-10 ng gabi hanggang alas-4 ng madaling araw ang off-peak water interruption ng Maynilad.

Kaakibat ng pagtanda ang pagkulubot ng balat.

Paliwanag ng ilang eksperto, nababawasan na kasi ang paggawa ng collagen ng balat habang nagkaka-edad na kailangan para mapanatiling banat ang balat sa mukha na nagdudulot ng wrinkles.

Pero may ilan pa ring paraan para mapabagal ang pagkulubot ng balat.

1. Iwasan ang pagbibilad sa araw dahil ang labis na pag-papaaraw ay nagdudulot ng freckles at maaaring magresulta ng skin cancer. Mas mainam na magpahid ng sunblock na may taglay na SPF 15 o 30.

2. Huwag manigarilyo at iwasan ang pag-inom ng alak.

3. Uminom ng 8 basong tubig araw-araw para manatiling malambot ang iyong balat.

4. Kumain ng mga pagkaing mayaman sa vitamins A, C, E at biotin.

5. Mag-ehersisyo at iwasan ang stress. —sa panulat ni Abie Aliño

Para sa mga bumibigat na ang timbang at naghahanap ng mabilis na paraan para pumayat;

Narito ang payo para sa inyo.

1. Mag-bawas ng matamis at pagkaing mayaman sa carbohydrates tulad ng; kanin, tinapay, noodles, kakanin, spaghetti, soft drinks, iced tea, cakes at icing.

2. Kumain ng mas maraming protina – ang protina ay makukuha sa manok, isda, karneng baka at baboy. Puwede ring kumain ng isa hanggang dalawang itlog kada araw.

3. Kumain ng mas maraming gulay na may mababang carbs tulad ng; broccoli, cauliflower, kamatis, kale, letsugas at pipino.

4. Mag-ehersisyo rin ng tatlo hanggang apat na beses kada linggo. puwede ring mag-gym at mag-weights at magtimbang ng tatlong beses sa isang linggo. — sa panulat ni Abby Malanday

Para sa mga naghahanap ng leisure accommodation o ‘yung mga staycations ngayong ibinaba na sa alert level ang mayorya ng mga lugar sa Pilipinas.

May-alok na mura at de kalidad na serbisyo ang HOTEL-SOGO para sa inyo!

Ayon kay Ms. Sue Geminiano, marketing manager ng HOTEL-SOGO sa panayam ng DWIZ, umabot na sa 45 ang branch ng HOTEL-SOGO sa buong bansa sa kabila ng COVID-19 pandemic.

Sulit na sulit ito para sa mga naghahanap ng pansamantalang matutuluyan lalo na ngayong paggunita ng Holy Week at marami ang bumibiyahe sa ibang lugar.

Swak din ang staycation para sa mga bata at matatanda.

Ang HOTEL-SOGO ay isang Japanese inspired hotels kung saan ang kalinisan ang pangunahing pinagtutuunang pansin, sa pamamagitan 11 anti-COVID innovations kabilang ang ilan sa mga sumusunod;

• UVC light disinfection
• Hepa filter sa aircon
• fire UVC ray
• air exchange rate

Samantala, isa pang good news sa pag-check-in sa HOTEL-SOGO, alok nito ang flexible time sa lahat ng guest.

Tulad ito ng sachet philosophy kung saan ang babayaran lang ng mga guest ay kung ilang oras ang nagamit nito.

Kaya tulad ng laging pahayag ng HOTEL-SOGO na ‘so good, so cares’… so good din ang serbisyo nito para sa mga Pilipino.

‘So good, So cares’.

Ito ang pahayag ng pamunuan ng HOTEL-SOGO para sa lahat ng kanilang mga guest, ngayong nagpapatuloy pa rin ang epekto ng COVID-19 pandemic sa Pilipinas.

Sa panayam ng DWIZ, sinabi ni Ms. Sue Geminiano, corporate marketing manager ng HOTEL-SOGO na kasabay ng pandemya, ilang bagong protocols at hakbang ang kanilang ginawa para mapanatili ang kaligtasan hindi lamang ng mga guest kundi ng kanilang mga empleyado.

Nakapaloob ito sa corporate social responsibility ng HOTEL-SOGO o SOGO Cares.

Nabatid na magmula ang pandemya, ang HOTEL-SOGO ang pangunahing umaalalay sa mga frontliners para sa kanilang pansamantalang matutuluyan.

Habang maliban pa dito, kalahok din ang HOTEL-SOGO sa pamamahagi ng serbisyo sa lahat ng Pilipino.

Aabot sa 50 bahay ang natupok ng sumiklab na sunog sa  dulong tangke sa malinta sa Valenzuela City kahapon.

Ayon kay Valenzuela Fire Director Superintendent Bernard Batnag Jr., umabot sa ikalawang alarma ang sunog.

Dahil gawa sa light materials ang karamihan sa mga bahay ay madaling kumalat ang apoy.

Nahirapan din sa pagpasok ang mga nagrespondeng firetrucks lalo’t nasa dulong bahagi ng barangay ang sunog.

Isa rin sa tinitignang problema ang mahinang pressure ng tubig mula sa Maynilad.

Wala namang naitalang casualty sa sunog pero may dalawang sugatan na nadala na sa ospital at nasa maayos nang kalagayan. —- sa panulat ni Abby Malanday

Blangko pa rin ang awtoridad sa motibo sa pamamaril sa isang negosyanteng Chinese sa  P. Burgos St. corner Victoria St. sa Maynila.

Kinilala ang biktima na si Kim Lok Sy, 50 years old, residente ng JP Rizal St.Valenzuela City.

Sa inisyal na imbestigasyon, lulan ng kanyang sasakyan si Sy kasama ang isa pang negosyante na si Dexter Tan nang barilin ito ng hindi pa nakikilalang salarin bago mabilis na tumakas sakay ng isang motorsiklo.

Agad na isinugod sa ospital si Sy habang masuwerteng hindi tinamaan ang kasamahan nito.

Patuloy ang imbestigasyon sa nasabing pamamaril.