METRO PATROL

P3.5-M shabu nasabat sa Quezon City

Tinatayang tatlo’t kalahating milyong pisong halaga ng shabu ang nasabat ng mga otoridad sa isang high value target sa Novaliches, Quezon City.

Kinilala ng Quezon City Police District (QCPD) at Philippine Drug Enforcement Agency (PDEA) ang suspek na si Mantil Kasim, 28-anyos, residente ng Talitay, Maguindanao.

Nakumpiska mula kay Mantil ang nasa limandaan limampung gramo ng shabu sa isinagawang buy-bust operation sa kahabaan ng Quirino Highway, Barangay Bagbag, kagabi.

Kabilang din sa nasabat ang 1000 peso boodle money at isang asul na motorola smart phone.

Nahaharap ang suspek sa kasong paglabag sa Comprehesive Dangerous Drugs Act of 2002.

February 22, 2022 0 comment

HEADLINES METRO PATROL

Pulis, nagmaneho ng carjack na kotse, kalaboso sa Laguna

written by DWIZ 882

Arestado ang isang miyembro ng Police Security and Protection Group (PSPG) sa Calamba City, Laguna matapos mahuli sa aktong nagmamaneho ng nakaw na kotse.

Kinilala ang inarestong pulis na si Chief Master Sgt. Allan Casañas na nagmaneho ng nakaw na Toyota Innova.

Ayon sa Calamba City Police, nakatanggap ng ulat ang Integrity Monitoring and Enforcement Group sa Calabarzon hinggil sa pagmamaneho ni Casañas ng “hotcar” kaya’t minanmanan nila ito.

Nang matiyempuhan ay walang naipakitang papeles ang suspek na nagpapatunay na ligal ang kotseng kanyang minamaneho.

Nadiskubre naman na ang naturang sasakyan ay pagmamay-ari ng isang Jeanete Gisalan na taga-Maynila na nagsumbong noon pang 2012.

Natuklasan din na ang plaka ng Innova na PBI-531 ay galing sa isa pang kotse na isang itim na Ford Focus Hatchback. -sa panulat ni Mara Valle

February 22, 2022 0 comment

METRO PATROL NATIONAL NEWS

Walang driver na truck umararo sa anim na katao sa Quezon City

written by Drew Nacino

Sugatan ang anim katao makaraang araruhin ng truck na walang driver sa Quezon City ang isang L-300 closed van, jeep at isa pang van.

Kabilang sa nasugatan si Aldo Bacuetes, na nakasakay sa closed van nang araruhin ng dump truck na minamaneho ni Alvin Galicia, 24-anyos.

Ayon sa Quezon City Police District-Traffic Sector 5, pumarada si Galicia para kumuha ng pagkain sa kanilang bahay pero wala na ang truck pagbalik niya.

Kagagaling lamang ng truck sa Bulacan at magtatapon sana ng basura sa landfill sa Rodriguez, Rizal.

Bagaman 30 tonelada ang capacity ng truck, napag-alaman ng awtoridad na nasa 50 tonelada ang karga nito.

Nahaharap si Galicia sa kasong negligence resulting to multiple damage to property at multiple physical injuries.

February 21, 2022 0 comment

HEADLINES METRO PATROL NATIONAL NEWS

858 residente, nakatanggap ng Livelihood financial assistance mula sa QC Government

written by DWIZ 882

Nakatanggap ng Livelihood financial assistance ang nasa 858 residente mula sa “pangkabuhayang QC” program ng lokal na pamahalaan.

Layunin ng naturang programa na matulungan ang mga indibidwal na nawalan ng trabaho dahil sa pandemya at gustong magkaroon ng maliit na negosyo.

Ang bawat benepisyaryong residente ay tatanggap ng P10,000 hanggang P20,000 na cash aid kung saan, sakop nito ang displaced workers, microentrepreneurs, Overseas Filipino Workers (OFWs), mga nawalan ng trabaho, unemployed solo parents, at persons with disabilities.

Sa huling datos ng QC Government nasa 16,341 na beneficiaries ang nakatanggap ng livelihood assistance, habang nasa 9,307 ang kasalukuyang sumasailalim sa screening at approval process para sa Batch 13-18 ng programa. —sa panulat ni Angelica Doctolero

February 21, 2022 0 comment

HEADLINES METRO PATROL NATIONAL NEWS

4 patay, 5 sugatan sa sunog sa Maynila

written by DWIZ 882

Patay ang apat na indibidwal habang sugatan ang lima pa sa naganap na sunog sa isang two-story building sa Sta. Cruz, Maynila.

Kinilala ang mga biktimang nasawi na sina Dennise Cadag, 15-anyos; Rina Mae Hernandez Banate, 21-anyos; isang John Kazim, at Jazmine Uzman, 57-anyos.

Ayon sa Bureau of Fire Protection (BFP), aabot sa sampung pamilya ang nawalan ng tirahan matapos umakyat sa second alarm ang sunog bago idineklarang fire under control.

Nasunog din ang apat pang bahay at establisyimento kung saan, aabot sa P70,000 ang kabuuang halaga ng pinsalang idinulot ng sunog.

Patuloy pang iniimbestgahan ng mga otoridad ang sanhi ng pagsiklab ng apoy. —sa panulat ni Angelica Doctolero

February 21, 2022 0 comment

HEADLINES METRO PATROL

Mga preso sa QC jail, nabulabog sa greyhound operation

written by DWIZ 882

Nabulabog ang mga preso sa isinagawang greyhound operation sa pinagsanib na puwersa ng mga tauhan ng Bureau of Jail Management and Penology (BJMP) at Quezon City Police District (QCPD) sa Quezon City Jail (QCJ).

Ayon QCJ Warden Jail Superintendent Michelle Ng Bonto, na mayroong 42 jail officers at 373 na mga pulis ang naghalughog sa mga selda ng mga ilegal na kontrabado na nakapasok sa kulungan.

Narekober sa operasyon ang dalawang cellphone, improvised drug paraphernalias, 36 na kutsilyo at walong ice picks.

Matatandaang, ipinag-utos ni BJMP Director General Alan Iral ang pagsasagawa ng mga greyhound operation sa iba’t-ibang mga kulungan sa bansa upang maiwasan ang pagkakaroon ng mga riot sa piitan. —sa panulat ni Kim Gomez

February 20, 2022 0 comment

HEADLINES METRO PATROL

Tirador ng mga druck drivers, huli sa Manila

written by DWIZ 882

Kalaboso ang isang holdaper ng mga truck drivers sa Pandacan, Manila.

Kinilala ang suspek na si Jeffrey Reyes Alyas “Jepoy,”, 28 anyos.

Ayon sa mga otoridad, nahuli ang suspek sa sarili nitong bahay sa bisa ng warrant of arrest.

Sa ngayon, nakakulong na at inihahanda na ang kaukulang kasong isasampa laban sa suspek. —sa panulat ni Kim Gomez

February 20, 2022 0 comment

METRO PATROL NATIONAL NEWS

2 suspek arestado dahil sa ilegal na droga sa QC

written by DWIZ 882

Inaresto ng awtoridad ang dalawang suspek matapos ang magkahiwalay na buy bust operation sa bayan ng Tiaong, Quezon.

Kinilala ang mga suspek na sina may Naredo, 28-anyos na isang high-value target at umano’y miyembro ng isang drug group, at si Venson Luna, 28-anyos na kabilang sa police watchlist ng nasabing lugar.

Nasamsam ng awtoridad mula kay Naredo ang 7 sachet ng hinihinalang shabu na may bigat na 15.34 grams at may street value na 312,936 pesos.

Nasamsam din mula kay Luna ang 4 na sachet ng nasabing ilegal na droga na may bigat na 5.28 grams at nagkakahalaga ng 107,712 pesos.

Nahaharap naman ang mga nasabing suspek sa paglabag sa Comprehensive Dangerous Drugs Act of 2002.—sa panulat ni Airiam Sancho

February 19, 2022 0 comment

METRO PATROL NATIONAL NEWS

Driver ng sasakyang nag-apoy matapos bumangga sa barriers sa EDSA, nakainom ng alak

written by DWIZ 882

Lumabas sa pagsusuri ng Metropolitan Manila Development Authority (MMDA) na nakainom ang driver ng sasakyang nag-apoy matapos bumangga sa barriers sa EDSA, Cubao sa Quezon City.

Ayon sa MMDA, nagpositibo sa breathalyzer test ang driver na si Airman Second Class Manuel Ognes Jr.

Ipinaliwanag naman ng isang nakasaksi sa nangyari na ilang motorista ang tumulong kay Ognes na makalabas ng sasakyan pero iniwan na ang iba matapos makitang umuusok na ito.

Nagdulot ang insidente ng pagkasawi ng 3 miyembro ng Philippine Air Force na kasama ni Ognes sa loob ng sasakyan.

Hindi naman ito bago para sa mga motorista dahil aabot na sa lima ang naitalang aksidente sa lugar dulot ng inilagay na barriers. —sa panulat ni Abby Malanday

February 19, 2022 0 comment

METRO PATROL

Mahigit 437,000 indibidwal sa Muntinlupa City, fully vaccinated na laban sa Covid-19

written by DWIZ 882

Umabot na sa 437,310 ang fully vaccinated na indibidwal sa Muntinlupa City laban sa Covid-19.

Sa tala ng City Health Office, lampas na ito sa target na populasyon na kailangang bakunahan o katumbas ng 114% ng target.

Pinakamarami ang nagmula sa barangay puli na may 163% vaccination rate o nasa 11,483 indibidwal.

Maliban dito, pumalo rin sa 84,896 ang nabigyan ng booster shots sa lungsod. —sa panulat ni Abby Malanday

February 19, 2022 0 comment

Newer Posts

Older Posts