Timbog ang dalawang tulak umano ng shabu, kabilang ang isang babae, sa ikinasang buy-bust operation sa Purok 1 Brgy Sucat, Muntinlupa City.
Kinilala ang mga suspek na sina Mary Grace Merilo, 46 taong gulang, at Robert Guardailao, 43 taong gulang.
Bukod sa P500 buy-bust money, nakumpiska rin mula sa dalawa ang P68K na halaga ng umano’y shabu.
Reklamong paglabag sa Comprehensive Dangerous Drugs Act ang isasampa laban sa mga suspek.
Pinuri ng National Capital Region Police Office (NCRPO) ang mga operatiba ng Marikina City Police Station matapos madakip ang isa na namang wanted person.
Kinilala ang naaresto na si Jimmy Bruce, 47 taong gulang, at 5th Most Wanted Person ng nasabing lungsod.
Nabatid na si Bruce ay matagal nang tinutugis ng batas dahil sa kasong Frustrated Homicide na kinakaharap nito sa isang korte sa Marikina City.
Walang inirekomendang piyansa ang korte laban sa akusado.
Naiturn-over na ng National Bureau of Investigation (NBI) sa Philippine Drug Enforcement Agency (PDEA) ang nasa 11 bilyong pisong halaga ng shabu na nakumpiska sa 10 drug courier sa Brgy. Comon, bayan ng Infanta, Quezon.
Ayon kay NBI OIC-Director Eric Distor, sa ikinasang Task Force Against Illegal Drugs, aabot sa mahigit 1,800 gramo ng shabu ang nakumpiska sa 3 commuter vans.
Isinailalim na sa inquest proceedings sa Office of Prosecutor sa Infanta, Quezon ang 10 akusado na nahaharap sa kasong paglabag sa RA 9165 o Comprehensive Dangerous Drugs Act of 2002.
Wala munang magaganap na Bakunahan kontra COVID-19 sa Mayo a-9 sa Pasig City.
Ayon sa lokal na pamahalaan, ito ay upang bigyang daan ang isasagawang botohan sa Lunes.
Tiniyak naman ng Pasig City LGU na ibabalik kaagad kinabukasan, Mayo a-10, ang Bakunahan kontra COVID-19 sa lungsod.
Nakilala na ng Philippine National Police (PNP) ang pito sa walong nasawi sa sunog sa Barangay UP Campus, sa Quezon City nitong Lunes.
Ayon sa Anonas Police Station, kinilala ang pitong biktimang sina Alejandro Pabalete, Pilar Pabalete, Alicia Ran, Boy Caingat, Abby Lagonoy, Maricar Lagonoy at Greg Gallamos habang hindi pa matukoy ang pagkakilanlan ng isa.
Pawang na-trap ang mga biktima sa kanilang nasusunog na bahay.
Halos 150 pamilya ang naapektuhan ng sunog na nananatili sa evacuation centers.
Hindi pa matukoy ng Bureau of Fire Protection ang sanhi ng pagkalat ng apoy.
Aabot sa 35 mga bahay ang naabo matapos lamunin ng apoy sa block 1 lakas tao sa Barangay San Andres, Cainta, Rizal kahapon ng hapon.
Ayon kay Fire Investigator Cicero Compas, nagsimula ang sunog pasado alas-4 ng hapon na umabot sa ikalawang alarma bago idineklarang fire-out alas-6 ng gabi.
Sinabi ni Compas, mabilis kumalat ang apoy dahil gawa sa mga light materials ang mag bahay at nahirapan silang apulahin ang apoy dahil sa direksiyon ng hangin sa lugar.
Wala namang naitalang nasawi at nasugatan pero humihiling ngayon ng tulong ang mga nasunugang residente matapos walang naisalbang gamit.
Ayon sa BFP-Cainta, simula noong Marso, umabot na sa 10 ang naitalang sunog sa nabanggit na lugar.
Bagsak sa kulungan ang isang empleyado ng Metropolitan Manila Development Authority (MMDA) dahil sa kasong pangongotong sa Pasig City.
Kinilala ang suspek na si Jomar Palata, 40 taong gulang, at nakatalaga sa Office of the Assistant General Manager for Operations ng MMDA.
Sa imbestigasyon, nagpanggap umano bilang law enforcement personnel ng Land Transportation Office o LTO si Palata at nanghihingi ng isang daang libong piso (P100,000) sa isang negosyante kapalit ng hindi paghuli sa kanyang mga commuter vans.
Mahaharap ang suspek sa mga reklamong robbery extortion, grave coercion, at usurpation of authority.
Timbog ang isang lalaki na matagal nang wanted dahil sa kasong rape sa West Floodway, Cainta, Rizal.
Kinilala ang naaresto na si Renaly Mercado, 54 taong gulang, at no.1 most wanted person ng Eastern Police District (EPD).
Nabatid na nagtago sa Cavite si Mercado matapos makasuhan ng two counts ng kasong rape sa isang korte sa Taytay hanggang sa bumalik ito sa kanilang lugar kung saan nadakip ng mga pulis.
Pinuri naman ni EPD District Director PBGen. Orlando Yebra ang kanyang mga tauhan sa pagkakadakip kay Mercado, kasabay ng utos sa mga ito na huwag titigil hangga’t hindi nahuhuli ang lahat ng mga wanted persons sa kanilang area of responsibility (AOR).
Arestado ang isang tindero ng isda matapos mahulihan ng higit 700 libong pisong halaga ng umano’y shabu sa Osmeña St. corner Pateros St., Barangay Valenzuela, Makati City.
Kinilala ang suspek na si Noel Herrera, 56 taong gulang.
Ayon kay Makati Chief of Police, Police Col. Harold Dipositar, nasabat mula kay Herrera ang buy-bust money at 714,000 pesos na halaga ng umano’y shabu.
Inihahand na ang kaukulang kasong isasampa laban sa suspek.
Kalaboso ang dalawang hinihinalang drug pushers matapos mahulihan ng mahigit isang daang libong pisong halaga ng umano’y shabu sa Canada St., Brgy. San Dionisio, Parañaque City.
Ang magkapatid na sina Ramon Alcatin Villoga at Mary Grace Alcatin Villoga ay nahuli ng mga kagawad ng Parañaque City Police SDEU o Station Drug Enforcement Unit.
Maliban sa isang libong pisong buy-bust money, nasabat din sa operasyon ang 102,000 pesos na halaga ng umano’y shabu.
Mahaharap ang mga suspek sa reklamong paglabag sa Comprehensive Dangerous Drugs Act.