Dead on the spot ang isang babae matapos mabangga ng van sa Shaw Boulevard, Mandaluyong City.
Kinilala ng Mandaluyong City Police ang biktimang si Emelour Aquino, 21 anyos.
Ayon sa pulisya, naglalakad sa kalsada si Aquino kasama ang dalawang kaibigan nang mahagip ito ng van at tumilapon pa ng ilang metro.
Naaresto ang 21 anyos na driver ng van at na-inquest at mahaharap sa kasong reckless imprudence resulting to homicide.
Pursigido naman ang pamilya Aquino na ituloy ang kaso laban sa suspek.
Limang lugar sa National Capital Region (NCR) ang isinailalim ng Department of Health (DOH) sa moderate risk dahil sa patuloy na pagtaas ng COVID-19 cases.
Kabilang dito ang lungsod ng Pasig, San Juan, Quezon City, Marikina at Pateros.
Batay sa DOH, isinasailalim sa moderate risk ang isang lugar kung ito ay makitaan ng positive two-week growth rate sa bilang ng COVID-19 cases at Average Daily Attack Rate (ADAR) na nasa 6 average cases per day sa kada 100,000 populasyon.
Tiklo ang isang babae matapos makuhanan ng mahigit 10 milyong pisong halaga ng ilegal na droga sa ikinasang buy bust operation sa Caloocan City.
Ayon sa awtoridad, nasabat sa suspek ang nasa 1,600 na gramo ng hinihinalang shabu na nakasilid sa iba’t ibang sukat ng plastic bag.
Nabatid na halos isang linggo nang tinitiktikan ng pulisya ang suspek bago ikinasa ang naturang operasyon.
Kasong paglabag sa Republic Act 9165 o Comprehensive Dangerous Drugs Act of 2002 ang kinakaharap ng suspek.
Patay ang isang miyembro ng Manila Traffic and Parking Bureau (MTPB) makaraang atakehin sa puso habang kasama ang isang 13 anyos na babae sa loob ng motel sa Tondo.
Hindi na humihinga nang maabutan ng isang hotel staff at rumespondeng pulis ang biktimang si Robert Sarcos, 46 anyos, may-asawa at residente ng Inocencio Street, Tondo, Maynila.
Ayon sa Manila Police District-Station 2, huling nakitang buhay ang biktima nang mag-check in sa Meaco Hotel sa kanto ng Antonio Rivera at Tayuman Streets kasama ang dalagita na umano’y isang estudyate at residente rin ng Tondo.
Dakong alas-12:20 ng madaling araw noong Linggo ay nagpasaklolo umano ang dalagita sa hotel desk staff, subalit pagdating sa kuwarto ay hindi na humihinga ang biktima kaya agad itong ini-report sa pulisya.
Nasunog ang isang residential area ng 21st UP Garden sa Barangay San Vicente, Quezon City, kagabi.
Ayon sa Bureau of Fire Protection (BFP), nag-umpisa ang sunog bandang alas-9 ng gabi at dakong 9:38 ng gabi nang ideklara itong fire out.
Ayon sa mga otoridad, ang naiwang kandila ang tinitingnang sanhi ng insidente.
Wala namang napaulat na nasawi o nasugatan dahil sa sunog, ngunit tinatayang lima hanggang sampung pamilya ang naapektuhan nito.
Nananatili ngayon ang naturang mga pamilya sa isang simbahan sa UP Bliss.
Sugatan ang pitong indibidwal makaraang mabangga ang kanilang sinasakyang jeep sa Barangay Doña Imelda, Quezon City, kagabi.
Batay sa paunang imbestigasyon ng mga otoridad, nabangga ng SUV na minamaneho ng isang Chinese national ang likurang bahagi ng pampasaherong jeep na nakatakda sanang mag-u-turn.
Dalawang pasahero ang tumilapon dahil sa lakas ng impact ng pagbangga.
Sinabi naman ng driver ng jeep na sasagutin ng nakabangga ang gastos sa pagpapagamot ng mga nasugatang indibidwal at maging ang pagpapaayos ng jeep.
Nasabat ng mga otoridad sa dalawang suspek ang apat na kilo ng hinihinalang shabu matapos ikasa ang operasyon sa isang grocery store sa Barangay Napindan, Taguig City.
Kinilala ang dalawang suspek na si alyas “Relasco” at alyas “Kyla” na tumanggap ng package sa nabanggit na lungsod.
Ayon sa mga otoridad, nagkakahalaga ng dalawamput pitong milyong piso ang mga nakumpiskang iligal na droga.
Nahaharap ngayon sa reklamong Republic Act 9165 o paglabag sa Comprehensive Dangerous Drugs Act of 2002 ang mga inarestong suspek.
Arestado ang isang 18-anyos na lalaki matapos umanong looban at pagnakawan ang tirahan ng isang estudyante sa Pasig City.
Ayon sa mga otoridad, nakatanggap sila ng sumbong mula sa isang alyas “Justin” kung saan, isang suspek umano ang pumasok sa kaniyang kuwarto saka ninakaw ang kaniyang mga alahas.
Nang mabisto ito ng biktima ay agad na mabilis tumakas ang suspek pero agad itong naaresto ng mga pulis sa ikinasang follow-up operation sa lugar.
Narekober sa suspek ang relo at singsing, subalit may isa pang branded na relo na hindi na naibalik sa biktima.
Tumangging magbigay ng pahayag ang suspek, na ngayon ay nasa kustodiya na ng Pasig Police Station para sa kaukulang kaso.
Nilamon ng apoy ang ilang kabahayan matapos sumiklab ang isang sunog sa Baltazar St., Barangay Pinagbuhatan, Pasig City.
Ayon sa mga tauhan ng Bureau of Fire Protection (BFP), nagsimula ang sunog dakong alas-10:29 ng umaga kahapon at ideneklarang fire-out bandang alas-11:40 na ng tanghali.
Dahil dito, sugatan ang isang babaeng senior citizen matapos magtamo ng minor injury sa nangyaring sunog.
Nabatid na isang lalaki ang hinuli ng mga otoridad matapos ituro na may kinalaman sa sunog pero mariin naman niya itong itinatanggi.
Sa ngayon, inaalam pa ng arson investigator ang bilang ng kabahayan na nadamay sa sunog at ang halaga ng pinsala sa lugar.
Patay ang 21- anyos na lalaki sa Quezon City matapos makuryente habang kumukuha ng mangga kahapon.
Ayon sa Philippine National Police, kinilala ang biktima na si Ernie Lumahan, residente ng San Vicente, Barangay UP Campus sa Quezon City.
Naganap ang pangyayari dakong alas-12 hanggang ala-1:30 ng hapon.
Kwento ng may-ari ng puno ng mangga na si Mark Mendoza, nagpaalam pa ang asawa ng biktima na mangunguha ng mangga na ibebenta sana para pangbili ng bigas o ulam.
Pero nakarinig na lang sila ng sigaw at dito na nakita si Lumahan na nakatusok sa pader, na may grills, at umaapoy.
Hinintay pang i-shutdown ang kuryente sa lugar bago mailigtas si Lumahan na agad nasawi sa insidente.
Sa ngayon, tinitignang dahilan ng PNP ang panungkit ni Lumahan na may metal sa dulo kaya ito nakuryente.