ENTERTAINMENT

Spotted sa isang beach ang anak ni Ina Raymundo na si Erika Portunak, kasama ang basketball player na si Kobe Paras.

 Sa Instagram post ni Erika, makikita ang larawan ng getaway nila ng kaniyang mga kaibigan.

 Pero hindi nakaligtas sa paningin ng netizens ang iba pang snap ni Erika kasama naman si Kobe.

 Matapos ang post, agad ding nakita ng netizens ang larawan sa ig story naman ni Kobe.

 Sa ngayon, hindi pa makumpirma ang tunay na estado ng relasyon ng dalawa.

 Si Erika ang panganay na anak ni Ina Raymundo na nag-aaral sa Berklee College of Music sa Boston, Massachusetts.

 Habang si Kobe ay naglalaro sa Japan B. League Import.

Tanggap at walang problema para kay Megastar Sharon Cuneta at asawang si Senator Kiko Pangilinan ang naging paglantad ng kanilang anak na si Miel sa kaniyang tunay na kasarian.

 Sa Instagram post ni Sharon, proud niyang ibinahagi ang litrato ng kaniyang anak, hawak ang bandilang sumisimbolo bilang miyembro ng LGBTQIA+.

 Ayon sa aktres, mahal nila ang kanilang mga anak kaya’t pareho nilang susuportahan ang mga ito sa kanilang desisyon sa buhay.

 Sa kabila nito, pinasalamatan naman ni Miel ang kaniyang mga kaibigan at pamilya na sumuporta at nagpakita ng pagmamahal sa kaniyang sexual identity.

Inanunsiyo ng miyembro ng korean group na BTS ang kanilang paghiwa-hiwalay bilang isang grupo.

Pero ayon kay RM na lider ng grupo, hindi ito disbanding bagkus ay pagtuon muna sa kanilang sari-sariling careers.

Ito din aniya ang dahilan kaya inilabas ng sikat ng K-POP group ang kanilang anthology album.

Noon pang 2020, binabalak ng grupo na gawin ang plano pero naatrasado dahil sa COVID-19 pandemic.

Bumili ng Second-hand BMW si Ion Perez.

Sa pamamagitan ito ng kaniyang sariling ipon sa pagku-Kumu at sa Showbiz.

Ayon kay Ion, brand new car sana ang kaniyang bibilhin pero hindi na ito kinaya ng kaniyang budget.

Hindi naman binanggit ng partner ni Vice Ganda kung magkano ang bili niya sa sasakyan.

Kilala si Ion sa hilig nito sa motor dahil nagagamit niya ito ng pagmo-Motorcross.

Aprub naman kay Vice ang bagong sasakyan ng kasintahan.

Sumailalim sa isang minor surgery ang aktres na si Denise Laurel dahil sa kaniyang cyst na nasa likod ng kaniyang ulo.

Sa post ng aktres sa kaniyang Instagram account, pinasalamatan niya ang mga doktor na tumulong sa kaniya para maging successful ang nasabing operasyon.

Matatandaang taong 2017 nang unang operahan si Denise para tanggalin ang isa pang bukol sa kaniyang dibdib.

Inihayag ng aktres na sabik nasyang magkaroon ng maayos at magandang pahinga matapos niya iting indain ng mahabang panahon.

 Nagpasalamat sa kanilang Filipino fans ang Irish boyband na Westlife.

 Ito ay dahil sold-out agad ang kanilang concert ticket para sa kanilang “Wild Dreams Tour” sa loob lamang ng dalawang araw.

 Pinasalamatan ng banda ang Pinoy fans sa kanilang Twitter account matapos maubos ang ticket sa kanilang concert na gaganapin next year sa Araneta Coliseum.

 Matatandan na huling bumisita ang grupo noong 2019 sa kanilang Two-Night “The Twenty Tour” concert na ginanap rin sa Araneta kasabay ng kanilang 20th anniversary sa industriya.

Pagdalo nina Nadine Lustre at James Reid sa isang fashion ball, pinag-usapan

Kinilig ang JaDine fans o mga fans nina Nadine Lustre at James Reid matapos mamataan ang dalawa sa isang fashion ball.

Kapwa dumalo ang dating magkasintahan sa MEGA BALL 2022 kasama ang kani-kanilang mga kaibigan.

Nag-trending din sa Twitter ang JaDine maging ang litrato na magkatabi ang dalawa kasama ang ilan pang personalities.

Taong 2020 nang mag-break sina James at Nadine, at sa ngayon ay currently in a relationship si Nadine kay Christophe Bariou habang si James naman ay single at nakatuon sa kanyang career.

Sinalubong ng kaniyang mga basher ang Ex-Batallion Rapper na si Skusta Clee matapos daluhan ang isang event sa Clark, Pampanga.

Nabatid na inimbitahan si Skusta bilang guest performer sa Clark Aurora Fest 2022 sa isang Hot Air Baloon at Music Festival na ginanap noong Biyernes ng gabi.

Sa isang video post sa social media, marami sa mga audience ang nagsigawan ng “cheater” nang kumanta na si Skusta,  kung saan, ang iba pa rito ay nakataas ang kamay at naka-middle finger para iparamdam ang kanilang pagkadismaya at galit sa rapper.

Ito ay matapos ang panloloko ni Skusta at paghihiwalay nila ng Vlogger at Ex-partner na si Zeinab Harake.

Ayon sa mga netizen, deserve daw ni Skusta na makatanggap ng pambabash sa publiko dahil sa ginawa nitong kalokohan sa kaniyang pamilya.