ENTERTAINMENT

Ibinunyag ni Ruffa Gutierrez ang pagkikita muli ng kanyang mga anak at ama nilang si Yilmaz Bektas makalipas ang 15 taon.

Tinawag na “a beautiful reunion” ni Ruffa ang pakikipagkita muli ng mga anak na sina Lorin at Venice sa kanilang amang si Yilmaz at pamilya nito sa Istanbul, Turkey na magaganap ngayong weekend.

Ibinahagi ni Ruffa sa kanyang IG ang video ng compilation ng childhood photos ng mga anak kasama rin ang ama at lola nila na kapwa itinag din ni Ruffa.

Tila nagdulot naman ng positive vibes ang balitang ito ni Ruffa na nilagyan nito ng #togetheragain kaya’t napa-comment ang maraming celebrity na natutuwa sa reunion ng mag-a-ama.

Kinondena ni Comedy Queen Ai-Ai Delas Alas ang naging desisyon ng Quezon City (QC) Council hinggil sa pagdedeklara sa kaniya bilang persona non grata kasama ang direktor na si Darryl Yap.

 Nabatid na naging kontribersyal ang viral video na di umano’y pambabastos ng dalawa sa Quezon City Seal na ginamit sa isang online campaign video sa katatapos lamang na 2022 elections.

 Matatandaang ginamit ang online campaign video sa pag-endorso kay Anakalusugan Representative Mike Defensor, na tumatakbong mayor sa Quezon City nito lamang nakaraang eleksyon kung saan, umarte si Ai-Ai bilang Honorable Mayor Ligaya Belmonte at kunwari’y nagbibigay ng mensahe mula sa kanyang tanggapan.

 Makikitang background sa likuran ni Ai-Ai ang seal ng siyudad na hawig ng Quezon City seal pero sa halip na ang text na “Lungsod Quezon Pilipinas” ay pinalitan ito ng text na “BBM” at “SARA.”

 Ayon sa komediyante, hindi raw nito intensiyong maghayag ng katotohanan at malinaw na hindi dapat seryosohin ng publiko ang nasabing video.

 Sa ngayon, ipinaubaya na ni Ai-Ai sa kanyang legal counsel ang pagsagot sa desisyon ng QC Council.

Inanunsiyo ng Miss Universe Vietnam na isa Si Miss Universe 2018 Catriona Gray na magiging hurado para sa final night ng Miss Universe Vietnam 2022.

Batay sa post ng Miss Universe Vietnam, ibinahagi nitoang larawan kung saan nakatakda ang naturang pageant sa June 25 sa Saigon Exhibition and Convention Center sa Ho Chon Minh City.

Si Miss Universe 2018 ay kabilang sa panel of judges na pipili ng magiging pambato ng Vietnam sa International Miss Universe pageant.

Matatandaang nuong 2021,  naging host si Catriona ng sa coronation night ng Miss Universe South Africa 2021 kung saan isa sa mga hurado ng nabanggit na pagenat Si Miss Universe 2015 Pia Wurtzbach.

Kinumpirma ng aktres na si Angelika Dela Cruz na nakatanggap umano siya ng pagbabanta sa kaniyang buhay maging sa kaniyang pamilya.

Ayon sa aktres, na kasalukuyan ding nagsisilbi bilang kapitana ng Brgy. Longos sa Lungsod ng Malabon, isang liham ang ipinaabot sa barangay hall na may lamang apat na bala ng baril.

Sa Facebook post, sinabi ng aktres na kamakailan ay mayroong hindi kilalang indibidwal ang nag-iikot umano sa kanilang bahay maging sa bahay ng kaniyang mga kapatid.

Iginiit ng aktres na napakadumi ng politika sa Pilipinas at wala nang pinipiling lugar ang mga nais magsagawa ng krimen o kaguluhan sa bansa.

Matatandaang noong May 29, isang kapitan mula sa Barangay Tonsuya sa Malabon ang pinagbabaril ng hindi pa nakilalang Riding-in-Tandem.

Sa ngayon, nakikipag-ugnayan na si Angelika sa mga otoridad para sa kanilang seguridad at kaligtasan.

Kinumpirma ng aktor na si Diego Loyzaga na nasa dating stage na sila ng former PBB Housemate na si Franki Russel.

Ito ay sa kabila ng unang paglilinaw ng aktor na walang namamagitan sa kanila ni Russel dahil sampung araw pa lang silang magkakilala.

Ayon kay Diego, nag-iba na ang ihip ng hangin dahil tila nag-clicked naman silang dalawa ni Russel.

Bagaman hindi pa opisyal, looking forward ang aktor na maging girlfriend ang dalaga.

Sa ngayon, payo ni Diego kay Russel na sundin lamang ang bugso ng damdamin at huwag maniwala sa sinasabi ng iba.

Nahaluan ng ‘Love for the Nature’ ang Siargao trip ng aktres na si Andrea Brillantes, kasama ang kaniyang boyfriend na si Ricci Rivero at iba pa nilang kaibigan.

Ito ay matapos sumali ang grupo sa Beach Clean-Up drive sa Siargao Island.

Ayon kay Andrea, 15 bag ng basura ang kanilang nakolekta.

Tulong ito para mabawasan ang mga basura na nagiging banta sa marine life ng Siargao.

Pinayuhan naman ng aktres ang kaniyang mga fans na gawin din ang ganitong effort sakaling magtungo sa Siargao at iba pang islands sa Pilipinas.

Sinagot ng Actor-Model na si Diego Loyzaga ang pambabash ng mga netizen matapos nitong itanggi na mayroon silang namumuong relasyon ni Franki Russell.

Nabatid na tila hindi nagustuhan ni Diego ang naging komento ng kaniyang mga basher na mabilis siyang magpalit ng karelasyon na parang pagpapalit lang ng damit.

Agad rumesbak ang aktor at sinabi na kailangan talagang magpalit ng damit ng isang tao dahil baka amagin at mabutas ito kapag inabot ng isang taon.

Matatandaang spotted ang dalawa na magkasama sa isang resort, kung saan mabilis na kumalat sa social media ang larawan na magkalapit ang mga mukha at nakaakbay ang aktor kay Franki.

Ayon kay Diego mananatili siya bilang isang single at kaniya munang uunahin ang kaniyang career bago muling pumasok sa isang relasyon.

 Pumanaw na sa edad 70 ang founding member at bassist ni Bon Jovi na si Alec John Such.

 Kinumpirma ng banda sa Twitter ang pagpanaw ni Such kasama ang year of birth and death at “Bon Jovi Forever” logo, bagama’t hindi nilinaw ng banda kung ano ang dahilan ng pagkamatay nito.

 Inulan naman ng mensahe at tributes ang social media para sa namayapang rock star.

 Samantala, kilala ang Bon Jovi bilang most influential American Rock band of all time, dahil sa na-sold nitong higit 130 million records worldwide.

Nakatikim ng salita mula kay unkabogable star, Vice Ganda ang isang netizen matapos idawit ang relasyon nila ni Ion Perez sa hiwalayan nina Moira Dela Torre at Jason Hernandez.

Nabatid na nire-tweet ng komedyante ang post ng isang basher kung saan, kaniya itong sinupalpal at inokray matapos sabihin na posible ding maghiwalay sina Vice at Ion.

Say ni Vice, “sayang yung ibang relasyon na hindi nagtatagal, buti pa ang inggit sa puso ng kanilang basher ay panghabang buhay.”

Sinamahan pa ito ni Vice ng zany face emoticons na tila nang iinsulto pa sa kaniyang basher na agad ding niresbakan ng kaniyang mga little ponies.

Ayon sa mga taga-suporta ng komedyante, bitter lang ang kaniyang basher dahil araw-araw siyang pinipili ni ion at hindi lahat ng same sex ralationship ay laging may “money involve” kaya deserve lang na patulan ito ni Vice Ganda.

Kinoronahang Miss World Philippines 2022 si Gwendolyne Fourniol ng Negros Occidental.

Naganap ang kompetisyon sa Mall of Asia Arena kagabi kung saan 35 kandidato ang naglalaban-laban.

Maliban kay  Gwendolyne, itinanghal ding Miss Supranational Philippines 2022 si Alison Black ng Las Piñas City, Reina Hispano-Americana Filipinas 2022 si Maria Ingrid Santamaria ng Paranaque City at Miss Eco Philippines 2022 si Ashley Subijano Montenegro ng Makati City.

Magiging kinatawan din ng Pilipinas sa Miss World Philippines Tourism 2022 si Justine Beatrice Felizarta ng Marikina City, Miss Eco Teen Philippines 2022  si Beatriz Mclelland ng Aklan at Second Princess at Miss World Philippines Charity 2022 si Cassandra Chan ng San Juan City.

Maliban sa Miss World Philippines title, nakuha rin ni Gwendolyne ang special awards na Miss Silka, Miss Love Your Skin at Best in Evening Gown.