Kinoronahang Miss Global 2022 ang pambato ng Pilipinas na si Shane Tormes.
Ginanap ang kompetisyon kahapon sa Bali Nusa Dua Convention Center sa Indonesia.
Pinahanga ni Shane ang mga judges dahil sa on-point nitong sagot sa Q and A portion at ang nakakahanga nitong Catwalk.
Itinanghal namang first runner-up ang Malaysia, 2nd runner-up ang Australia, 3rd runner-up ang Lithuania at ang Brazil ang 4th runner-up.
Ibinunyag ng Canadian Pop Star na si Justin Bieber na kasalukuyan siyang dumaranas ng partial facial paralysis.
Sa kaniyang Instagram post, sinabi ni Bieber na mayroon siyang Ramsay Hunt Syndrome.
“I have this syndrome called Ramsay Hunt Syndrome and it is from this virus that attacks the nerves in my ear, my facial nerves and has caused my face to have paralysis” saad ni Bieber.
Nanawagan naman ang Pop Star na isama siya sa mga panalangin ng kaniyang mga fans.
Dahil dito, inanunsiyo ng 28-year old singer na pansamantalang suspendido muna ang tatlong shows ng 2022 Justice World Tour.
All set na ang Screen superstar na si Anne Curtis para sa kaniyang grand concert sa Newport Performing Arts Theater sa Pasay City mamayang alas-8 ng gabi.
Nabatid na ang concert ni Anne ay ang kaniyang showbiz comeback matapos ang halos tatlong taong pagpapahinga.
Ang “Luv-Anne” na isang “docu-concert” na unang inanunsyong gaganapin via livestreamed, na ginawang physical event matapos na luwagan ang pandemic restrictions.
Hiwalay na ang showbiz couple na sina Juan Karlos at model na si Maureen Wroblewitz.
Batay sa instagram post ni JK, ibinahagi nito ang larawan nila ni Maureen na magkasama at masaya.
Saad ng singer sa kanyang caption na lagi umanong tandaan ni Maureen na ito ang kanyang nag iisang buwan, nagpasalamat din ito sa kanilang pinagsamahan ng matagal bilang magkarelasyon.
Naglagay naman ng heart emoji ang model na si Maureen bilang tugon sa naturang post ng singer.
Habang may hiwalay din na post si Maureen sa kanyang IG account na nagsasaad na “Life is not happening to you, Life is happening for you.”
Tumugon naman sa naturang post si Juan Karlos , at inihayag ng mang-aawit ang patuloy na pagmamahal niya kay Maureen.
Matatandaang taong 2019 nang isapubliko ng dalawa ang kanilang relasyon.
Matapos ang 18 taong pagsasama, sa wakas ay ikinasal na ang celebrity couple na sina Aubrey Miles at Troy Montero.
Sa social media post ng mag-asawa makikita ang kanilang intimate wedding.
Kabilang din sa mga nagbahagi ng larawan nina Aubrey at Troy ang kanilang pamilya at bisita.
Nabatid na noong Marso ng kumpirmahin ng couple na sila ay engaged na.
Thankful ang aktres na si Maymay Entrata dahil napatunayan umano ng kaniyang non-showbiz boyfriend ang pagmamahal nito sakaniya.
Inilarawan ng aktres na napaka matured, maalaga, mapagmahal sa pamilya at madiskarte sa buhay si Aaron Haskell.
Say ni Maymay, ngayon niya lang naramdaman na iprayoridad sa relasyon at lahat ng oras kaya hindi lamang sa umpisa siya napu-fall sa kaniyang boyfriend kundi, araw-araw.
Gayunaman, malinaw kina Maymay at Aaron na seryoso sila sa isa’t-isa at pangarap nila ang makasal sa tamang panahon.
Sa ngayon, si Maymay ay nag-aaral sa isang acting school sa Canada kung saan nakabase ang kaniyang boyfriend.
Ibinunyag ni Ruffa Gutierrez ang pagkikita muli ng kanyang mga anak at ama nilang si Yilmaz Bektas makalipas ang 15 taon.
Tinawag na “a beautiful reunion” ni Ruffa ang pakikipagkita muli ng mga anak na sina Lorin at Venice sa kanilang amang si Yilmaz at pamilya nito sa Istanbul, Turkey na magaganap ngayong weekend.
Ibinahagi ni Ruffa sa kanyang IG ang video ng compilation ng childhood photos ng mga anak kasama rin ang ama at lola nila na kapwa itinag din ni Ruffa.
Tila nagdulot naman ng positive vibes ang balitang ito ni Ruffa na nilagyan nito ng #togetheragain kaya’t napa-comment ang maraming celebrity na natutuwa sa reunion ng mag-a-ama.
Kinondena ni Comedy Queen Ai-Ai Delas Alas ang naging desisyon ng Quezon City (QC) Council hinggil sa pagdedeklara sa kaniya bilang persona non grata kasama ang direktor na si Darryl Yap.
Nabatid na naging kontribersyal ang viral video na di umano’y pambabastos ng dalawa sa Quezon City Seal na ginamit sa isang online campaign video sa katatapos lamang na 2022 elections.
Matatandaang ginamit ang online campaign video sa pag-endorso kay Anakalusugan Representative Mike Defensor, na tumatakbong mayor sa Quezon City nito lamang nakaraang eleksyon kung saan, umarte si Ai-Ai bilang Honorable Mayor Ligaya Belmonte at kunwari’y nagbibigay ng mensahe mula sa kanyang tanggapan.
Makikitang background sa likuran ni Ai-Ai ang seal ng siyudad na hawig ng Quezon City seal pero sa halip na ang text na “Lungsod Quezon Pilipinas” ay pinalitan ito ng text na “BBM” at “SARA.”
Ayon sa komediyante, hindi raw nito intensiyong maghayag ng katotohanan at malinaw na hindi dapat seryosohin ng publiko ang nasabing video.
Sa ngayon, ipinaubaya na ni Ai-Ai sa kanyang legal counsel ang pagsagot sa desisyon ng QC Council.
Inanunsiyo ng Miss Universe Vietnam na isa Si Miss Universe 2018 Catriona Gray na magiging hurado para sa final night ng Miss Universe Vietnam 2022.
Batay sa post ng Miss Universe Vietnam, ibinahagi nitoang larawan kung saan nakatakda ang naturang pageant sa June 25 sa Saigon Exhibition and Convention Center sa Ho Chon Minh City.
Si Miss Universe 2018 ay kabilang sa panel of judges na pipili ng magiging pambato ng Vietnam sa International Miss Universe pageant.
Matatandaang nuong 2021, naging host si Catriona ng sa coronation night ng Miss Universe South Africa 2021 kung saan isa sa mga hurado ng nabanggit na pagenat Si Miss Universe 2015 Pia Wurtzbach.
Kinumpirma ng aktres na si Angelika Dela Cruz na nakatanggap umano siya ng pagbabanta sa kaniyang buhay maging sa kaniyang pamilya.
Ayon sa aktres, na kasalukuyan ding nagsisilbi bilang kapitana ng Brgy. Longos sa Lungsod ng Malabon, isang liham ang ipinaabot sa barangay hall na may lamang apat na bala ng baril.
Sa Facebook post, sinabi ng aktres na kamakailan ay mayroong hindi kilalang indibidwal ang nag-iikot umano sa kanilang bahay maging sa bahay ng kaniyang mga kapatid.
Iginiit ng aktres na napakadumi ng politika sa Pilipinas at wala nang pinipiling lugar ang mga nais magsagawa ng krimen o kaguluhan sa bansa.
Matatandaang noong May 29, isang kapitan mula sa Barangay Tonsuya sa Malabon ang pinagbabaril ng hindi pa nakilalang Riding-in-Tandem.
Sa ngayon, nakikipag-ugnayan na si Angelika sa mga otoridad para sa kanilang seguridad at kaligtasan.