ENTERTAINMENT

Panibagong achievement ang nakamit ni Binibining Pilipinas First Runner Up Herlene Budol matapos nitong mabigyan ng bagong bahay ang kanyang pamilya.

Sa isang vlog, ibinahagi ni Herlene ang kanilang bagong tirahan sa Angono Rizal na ibinigay ng kanyang talent manager na si Wilbert Tolentino.

Pinangakuan kasi ni Wilbert si Herlene ng House and Lot kapalit ng pagsali nito sa Binibining Pilipinas, na tinanggap naman ni Herlene dahil pangarap niya na mabigyan ng sariling bahay ang kanyang pamilya.

Lubos naman ang pasasalamat ni Herlene sa kanyang Talent Manager  dahil sa pagtupad ng kanyang mga pangarap.

Inanunsyo ng Hollywood actor at Spider-man star na si Tom Holland na pansamantala muna siyang magpapaalam sa mundo ng social media.

Ayon sa Instagram post ni Holland, nais niya munang bigyang importansya ang kaniyang mental health dahil sa stress dulot ng mga social media platforms tulad ng Twitter at Instagram.

Nabanggit din niya sa naturang post ang pagsuporta niya sa Charity Foundation na “STEM 4″ na isang programang pang-edukasyon na naglalayong tulungan ang mga kabataan upang pangalagaan ang kanilang mental health.

Bukod dito, nagpahayag din si Holland ng pasasalamat sa lahat ng natatanggap na suporta sa kabila ng mga pagsubok na kinakaharap niya.

Muling nakatanggap ng pangba-bash mula sa mga netizen ang Singer at Content creator-Youtube Vlogger na si Donnalyn Bartolome.

Pinutakte si Donna ng mga basher matapos ilabas ang kaniyang “Kanto-Themed” birthday party kung saan, naisipan ni Donna na ipakita sa kaniyang vlog ang usual na handaan ng mga mahihirap na Pilipino.

Makikita sa inupload na video na sa kanto ginanap ang nasabing birthday party kung saan ang mga bisita ni Donna ay nakapalibot sa isang lamesa para sa inuman.

Makikita din ang mga inihandang pagkain na mabibili lang sa kanto at ang isang buong tutong na kanin na ginamit bilang isang cake.

Dahil dito, marami ang nagalit at hindi natuwa sa ginawang content ng Vlogger-Youtuber pero may ilan ding mga manonood ang natuwa, nalibang at nakarelate dahil sa galing ni Donna bilang isang Content Creator.

Ikinukunsidera na ng aktor na si Derek Ramsay na semi-retired na siya sa showbiz upang i-prayoridad ang kanyang pamilya.

Paliwanag ni Derek, marami siyang napagnilayan ngayong may pandemya at ini-enjoy niya ang pakikipag-bonding kay Elias at asawang si Ellen.

Gayunman, sinabi nito na hindi niya tuluyang isinasara ang pinto sa showbiz.

Sa ngayon aniya ay ibinibigay niya na ang pag-arte sa kanyang kapatid na si Andrew, na tampok sa Cinemalaya entry na “Ginhawa.”

November 2021 nang ikasal sina Derek at Ellen.

Kinumpirma ng singer na si Ogie Alcasid na siya ay nagpositibo sa COVID-19 matapos ang dalawa’t kalahating taon na lockdown.

Sa Instagram post, sinabi ni Ogie na siya ay nakararanas ng sintomas ng nakakahawang sakit kabilang na ang pangangati ng lalamunan at pamamalat ng boses.

Ibinahagi din ni Ogie ang kaniyang mga larawan at hakbang para labanan ang virus at mapalakas ang kaniyang resistensiya.

Nanawagan naman sa publiko ang Singer na maging maingat at protektahan ang sarili dahil nananatili parin ang banta ng COVID-19.

Sa ngayon, naka-isolate si Ogie at patuloy na nagpapagaling laban sa naturang sakit.

Inamin ng aktor na si Rayver Cruz na nagpaalam siya sa mga magulang ng singer na si Julie Anne San Jose para umakyat ng ligaw.

Ayon kay Cruz, una niyang naging ka-close si San Jose nang lumipat ito sa GMA-7 at nang makasama ang singer sa Asia’s Limitless para sa  musical trilogy sa Siquijor.

Nabatid na nagsimula rin ang mga tuksuhan sa dalawa lalo na nang magsama ito sa All-Out Sunday.

Magdaraos ng concert sa Maynila ang korean boy band na NCT 127 sa September 4 para sa kanilang “Neo City: Manila – The Link” Concert.

Kinumpirma ito ng SM Entertainment, agency ng NCT 127, concert organizer at Pulp Live World.

Ito ang unang beses na bibisita ang boy band sa Pilipinas upang magbigay-aliw sa kanilang mga fans.

Mag-uumpisa ang pagbebenta ng concert tickets sa Agosto 21 sa lahat ng SM ticket outlets nationwide at sa kanilang mga online platform.

Naglalaro sa P3-K hanggang P12, 500 ang presyo ng mga tickets. —sa panulat ni Hannah Oledan

Nakiusap ang actor-host na si Matteo Guidecelli sa comedian-actress at tv host na si Alex Gonzaga na tigilan na nito ang panunukso sakaniya on-screen.

Nangyari ang pakiusap ng aktor matapos siyang mag-guest sa isang noon time show kung saan, si Alex ang kaniyang co-host.

Nabatid na sa nasabing variety show, patuloy na tinutukso ni Alex si Matt sa ibang female co-hosts ng programa dahilan para hindi magustuhan ng aktor ang biro ng komediyante.

bago matapos ang programa ay biglang nagbigay ng mensahe si Matt at sinabi na irespeto nalang ang kanilang mga partner dahil nasasaktan siya para sa kaniyang asawa.

Umani naman ng iba’t-ibang reaksiyon sa mga netizen ang ginawang pag-call-out ni Matt kay Alex kung saan, hinangaan din nila ang aktor sa pagiging “green flag” nito sa pagpapakita ng pagmamahal at pag-bigay respeto sa kaniyang asawa na si Sarah Geronimo.