ENTERTAINMENT

Nagluluksa pa rin si Megastar Sharon Cuneta sa pagpanaw ng kaniyang matalik na kabigang si Cherie Gil.

Sa Instagram post ng singer-actress, kaniyang ibinahagi ang masasayang ‘throwback’ pictures kasama si Cherie.

Ayon kay megastar, halos kalahati ng kaniyang buhay ang nawala mula nang namatay ang kaniyang kaibigan.

Sinabi ni Sharon na magtatatlong linggo na rin mula nang namatay si Cherie pero pakiramdam niya ay parang kahapon lang ito lumisan.

Nabatid na naging magkatrabaho ang dalawa sa isang classic film na “Bituing Walang Ningning” kung saan sumikat ang linya ng actress na, “you’re nothing, but a second rate, trying hard, copycat!”

Matatandaang pumanaw si Cherie noong Agosto a–5 dahil sa sakit na endometrial cancer.

Itinanggi ng aktres na si Kylie Padilla ang kumakalat na balitang siya ay nabuntis ng aktor na si Gerald Anderson.

Kasunod ito ng cut-to-cut videos na in-upload ng unknown users sa TikTok at YouTube kung saan, ipinakita ang mga baby bump photo at mga picture ni Kylie na kasama si Gerald sa Switzerland.

Dahil dito, umugong din ang balita na si Kylie ang umano’y dahilan ng pagkakalabuan ng relasyon nina Gerald at Julia Barretto.

Ayon kay Kylie, “fake news at walang katotohanan” ang kumakalat na isyu dahil magkaibigan lamang sila ni Gerald.

Iginiit ng aktres na “super professional lang ang kanilang relationship and nothing else!”

Aminado naman si Kylie na nababahala siya sa kumakalat na isyu dahil baka may maniwala at bigyan ng malisya ang litrato nila ni Gerald kung saan, may shooting umano sila para sa upcoming film nila na unraveled.

Ginulat ng aktres na si Julia Barretto ang kanyang fans sa pamamagitan ng kanyang lingerie pictorial.

Sa isang Instagram post, ibinahagi ng 25-year-old actress ang serye ng kanyang sultry photos, kung saan ipinakilala niya ang kanyang sarili bilang si ”Candy.”

Bahagi ito ng pag-promote ni Julia sa kanyang bagong pelikula na Expensive Candy, kung saan tampok din ang aktor na si Carlo Aquino.

Umani naman ng positibong reaksyon ang post ni Julia mula sa kanyang kapwa celebrities gaya nina Kylie Versoza, Ruffa Guttierez at Mariel Padilla.

Mapapanood sa mga sinehan ang ‘Expensive Candy’ sa September 14.

Muling iginiit sa publiko ni Loisa Andalio na hindi siya nagparetoke o kahit anong plastic surgery sa kaniyang katawan.

Ayon kay Loisa, wala siyang pinabago at hindi totoo ang kumakalat na balita sa social media dahil sadyang malaki lang ang pinagbago ng kaniyang katawan, at mukha.

Iginiit pa ni Loisa na wala siyang balak magpabago ng pangangatawan dahil masaya nasya sa kung anong meron siya ngayon.

Samantala, matapos naman ang Sex Reassignment Surgery sa Thailand, aminado si Miss Q&A 2018 second runner-up Lars Pacheco na expensive ang pagpapabago ng kasarian.

Sa Facebook live ni Lars, kaniyang sinabi na napakihirap ang ginawang operasyon o procedure sakaniya para maging isang ganap na babae.

Ayon sa Beauty Queen, Penile Peritoneal Vaginoplasty (PPV) ang kaniyang napili na isagawa ng Kamol Cosmetic Hospital sa Thailand na pinaka-major surgery na ginawa sa kaniyang buhay.

Dagdag pa ni Lars, ito rin ang pinakabongga at pinaka-expensive na surgery na kaniyang pinaggastusan na nagkakahalaga ng halos P1-M.

Muling tinangkilik ng mga Pilipino ang “Unforgettable” movie ng singer-actress na si Sarah Geronimo na ginawa ng VIVA Films noong 2019.

Ito ay matapos gawan ng “comparison video” ng Netflix Philippines ang pelikula ni Sarah at ng bagong kinagigiliwang movie ngayon ng mga netizen mula sa korean drama series na “Extraordinary Attorney Woo” na pinagbidahan naman ni Park Eun-Bin.

Matatandaang noong Agosto a-9, naglabas ng video clips ang Netflix mula sa eksena ng movie nina Sarah at Eun-Bin na sinasabing parehong may Autism Spectrum Disorder ang kanilang karakter na ginampanan.

Bukod pa dito, mapapansin din na parehong may bangs ang mga papel na binigyang-buhay nina Sarah at Eun-Bin.

Dahil dito, muling pinapanood sa streaming channel ang Unforgettable, na isang Original story at maipagmamalaki ng mga Pilipino na nauna lamang ng tatlong taon sa Extraordinary Attorney Woo na kapwa namang nabigyan ng hustisya ang mga karakter ng dalawang aktres.

Itinuturing ni Dating Senate President Vicente Sotto III na pinakamahusay na pangulong hindi nagkaroon ang Pilipinas si Fernando Poe Jr. (FPJ)

Sa instagram tribute post ni Tito Sen para sa kaarawan nang pumanaw na si FPJ kahapon nagpost ng pagbati para sa batikang aktor na may caption na happy birthday in heaven the best president we never had.

Matatandang si FPJ ay na kinikilala bilang King of  the Philippine Movies ay nasawi noong December 2004 sa edad na 65 habang si Sotto naman  ay nagsilbing campaign manager nito  noong Presidential Elections noong 2004.

Hindi napigilan ni Bella Poarch na maging emosyonal sa pagiging proud na mairepresenta ang Pilipinas, at ihayag ang kanyang pagnanais na makauwi ng bansa.

Ayon kay Filipina social media sensation at American Singer Bella, na labis nyang ikinagagalak na mapabilang sa mga naglalagay sa mga pilipino sa international stage.

Isandaang porsyentong purong dugong Pinoy si Bella na taga-Pangasinan, at sanay sa bukid bago magtungo at mag-migrate sa Estados Unidos sa edad na 14.

Nagdesisyon si Bella na sumali sa US Navy nang 17- anyos upang hanapin ang kanyang sarili.

Ibinahagi din nito ang mga naranasan noong pang-aabuso na masasalamin sa kanyang mga awitin.

Aminado si Bella na madalas nyang nami-miss ang kanyang pamilya dito sa pinas kasabay ng pananabik na muling matikman ang mga pagkaing Pilipino.

Naging emosyonal naman ang TikTok star nang sabihin nito na talagang mahal na mahal nya ang Pilipinas at proud syang irepresenta ang mga Pilipino sa world stage.

Mayroong 91 million TikTok subscribers si Bella at kinilala bilang Most Liked Video Platform at 3rd Most Followed Individual sa TikTok.