ENTERTAINMENT

Trending sa social media ang latest Instagram post ni Darren Espanto kaugnay sa kanyang beach getaway sa Nasugbu, Batangas.

Sa ipinost na larawan ni Darren, makikita ang reflection ng Kapuso actress na si Cassy Legaspi sa kanyang suot na green shades.

Samantala, nag-post din si Cassy ng tila kaparehong larawan sa kanyang instagram account kung saan makikita naman ang kanyang repleksyon sa green sunglasses na suot ng isang lalaki na hindi niya pinangalanan.

Dahil dito, usap-usapan kung ano nga ba ang namamagitan sa dalawa at inulan ng suporta ang kanilang mga post mula sa fans.

Una nang sinabi ni Darren na bestfriends lang sila ni Cassy at sanay na rin aniya ang kanilang mga pamilya na palagi silang magkasama o lumalabas.

Muling nakatanggap ng patutsada ang aktres na si Bea Alonzo mula sa batikang Showbiz columnist at Talent Manager na si Manay Lolit Solis.

Hindi parin kasi tinitigilan ni Manay Lolit ang aktres kung saan, hinihintay nito na ipagtanggol si Bea ng kaniyang mga fans, team at manager para sa kaniyang imahe.

Ayon kay Lolit, nagtataka siya kung bakit hindi magawang ipagtanggol ang aktres ng kaniyang team maliban sa pagpapacancel umano ng mga Presscon na hindi naman sila umano ang gumastos.

Sinabi pa ng Kolumnista, nasasayang lang ang produktong ini-endorse ni Bea dahil sa power-tripping ng kaniyang team.

Dagdag pa ni Manay Lolit, masyadong nagiging ilusyonada si Bea at nakalimutan na umano nitong tumapak sa lupa.

Una nang pinatutsadahan ni Manay Lolit si Bea hinggil sa buhay pag-ibig at pagiging laos nito sa mundo ng showbiz pero dedma lang ang naturang aktres.

Nanguna ang ilang international artists sa MTV video music awards o VMAS na idinaos sa New Jersey.

Itinanghal na big winners sina Taylor Swift at Bad Bunny, kung saan nakuha ni Bad Bunny ang artist of the year award si habang si Swift naman ang nag-uwi ng video of the year award.

Ang ”About Damn Time” na kanta ni Lizzo ang tinawag na song of the year habang best collaboration naman ang “industry baby” nina Lil Nas x at Jack Harlow.

Si Lisa naman ng grupong blackpink ang nagkamit ng 2022 MTV VMAS best K-Pop trophy para sa kanyang solo album na “Lalisa.”

Best new artist naman si Dove Cameron at Best Pop Song ang “As It Was’’ ni Harry Style.

Best R&B song naman ang “out of time” ni the weeknd, habang best hip-hop ang “Do We Have A Problem?” nina Nicki Minaj at Lil Baby.

Pinangalanan naman bilang best metaverse performance ang ‘’The Virtual” ng Blackpink.

Kakatawan si Herlene Budol para sa Pilipinas sa pageant na Miss Planet International 2022.

Ayon sa Manager ni Budol na si Wilbert Tolentino, naging posible ang appointment dahil binili niya ang local franchise ng Miss Planet International, na siya ring nagbigay sa kanya ng otoridad na mamili ng representative.

Dagdag pa ni Tolentino, manghihingi sila ng permiso mula sa Binibining Pilipinas para payagan si Budol na makilahok.

Patuloy naman sa page-ensayo si Budol bilang bahagi ng preparasyon nito at Filipino pa rin ang lenggwaheng gagamitin.

Nakatakda namang ganapin ang kumpetisyon sa Kampala, Uganda sa buwan ng Nobyembre. —sa panulat ni Hannah Oledan

Nagpahayag ng suporta ang Business man na si Macky Mathay at actress na si Teresa Loyzaga sa family reunion nina Cesar Montano at Sunshine Cruz kasama ang kanilang mga anak.

Ang naganap na reunion ay sa gitna ng 18^th birthday ng kanilang anak na si Sam Cruz kung saan, imbitado din ang isa pang anak ni Cesar kay Teresa na si Diego Loyzaga.

Sa comment ni Teresa sa IG post ni Sunshine, masaya niyang sinabi na walang salitang makapagpapaliwanag at walang imposible sa biyayang ibinibigay ng panginoon para kay Sam.

Sa naging post naman ni Macky na bagong karelasyon ngayon ni Sunshine, sinabi nito na ang lahat nang nangyayari ay may dahilan at ipinaplano ng panginoon.

Samantala, sa naging pahayag ni Sam, masaya siya na naging daan ang kaniyang birthday para muling magkita ang kanyang mga magulang matapos ang matagal na panahon kung saan, unti-unti nang naaayos ang relasyon nilang magkakapatid sa kanilang ama na si Cesar.

Matapos ang anim na taon, naglabas muli ng awitin ang American singer at dancer na si Britney Spears.

May pamagat ang kaniyang debut song na ‘Hold Me Closer’, ka-duet ang british music legend na si Elton John.

Labis naman ang kasiyahang ibinahagi ni Britney sa kaniyang Twitter account matapos makapaglabas muli ng awitin at makasama pa ang isa sa classical men ngayon.

Noong 2016 huling naglabas ng album si Britney sa pinamagatang Glory, bago ito sumailalim sa conservatorship arrangement sa pagitan ng kaniyang ama na kumontrol sa kaniyang buhay ng 13 taon.

Kinaaliwan ng netizens ang picture ng aktres at model na si Jane De Leon.

Makikita kasi sa facebook post ng aktres  ang larawan kung saan tulog ito sa isang kotse at bahagyang naka-nganga.

Nakalagay rin kasi sa kaniyang caption na “napapagod din po si Darna” na may haha at peace emoji.

Si De Leon ay isa sa mga kilalang bagong aktres at modelo sa bansa at naging miyembro rin ng girl group na Girltrends.

Ginagampaman din ngayon ni De Leon ang karakter na si Narda sa teleseryeng “DARNA” ng ABS-CBN.

Balik spotlight na ang K-POP group na twice matapos ang dalawang buwang pahinga.

Inilunsad ng twice ang kanilang comeback music video na “Talk Talk Talk” o T-T-T kasabay na ika-11 nilang extended play (E.P.) na “between 1&2.”

Makikita sa mv ang mga petsang may kinalaman sa mga milestone na na-achieve ng grupo maging ang mga kantang isinulat ng ilan sa kanilang miyembro.

Kabilang sa inilabas na album ng twice ang basics, trouble at gone at when we were kids.

Ito rin ang huling proyekto ng lead dancer, lead vocalist, at center ng grupo na si Im Nayeon (Im Na-Yon) bago ang naging solo debut nito noong hunyo.

Nabuo ang naturang grupo noong 2015 sa ilalim ng jyp entertainment na tinawag pang “Nation’s Girl Group”.—sa panulat ni Hannah Oledan