ENTERTAINMENT

Kinumpirma ng actress-singer na si Janella Salvador na siya ay hiwalay na sa aktor na si Markus Paterson.

Kasunod ito ng ilang espekulasyon na matagal nang katanungan ng mga netizen hinggil sa problema sa relasyon nilang dalawa ni Markus.

Sa isang panayam kay Janella, proud niyang ibinahagi ang pagiging single mom na kaniyang inilaban para kay Baby Jude.

Naniniwala si Janella na hindi  niya kailangang humingi ng tulong sa iba dahil kaya niyang palakihin si Baby Jude sa tulong narin ng mga taong nakapaligid at nagmamahal sakaniya katulad nalang ng kaniyang ina na mag-isa ring nagpalaki sa kanilang magkakapatid.

Nagsumite na ng Motion for Reconsideration sa Court of Appeals ang mga abugado ng aktor na si Vhong Navarro kaugnay sa kinakaharap nitong kasong Rape na inihain ng Taguig City Prosecutors Office dahil sa panghahalay umano sa model stylist na si Deniece Cornejo noong 2014.

Ayon sa Counsel ni Navarro na si Atty. Alma Mallonga, kinilala at inaksyunan na ng Korte ang motion for reconsideration ng kanyang kliyente at hinihingan ng kasagutan ukol dito si Cornejo.

Sinabi ni Mallonga na sa ilalim ng Rules of Criminal Procedure, maaring pigilan ang pagpapatupad ng isang desisyon sa pamamagitan ng paghahain ng motion for reconsideration.

Malinaw ani Mallonga na maging sa pananaw ng Court of Appeals, hindi pa pinal ang desisyon ng korte at premature o hindi pa angkop ang pagsasampa ng kaso laban kay Navarro.

Sinabi pa ng Abogado, na dahil daw sa Mosyon ng kampo ng aktor kaya’t hindi itinuloy ni Taguig Regional Trial Court Executive Judge Antonio Olivete ang pag-raffle sa kaso para sanay masimulan na ang pagdinig hinggil dito.

Nagsama sama muli ang mga kamag-anak ng Namayapang Beteranong Aktres na si Cherie Gil kabilang ang mga Celebrity Eigenmann Clan.

Ibinahagi ng aktor na si Michael De Mesa ang mga litrato ng kanilang reunion kung saan kumpleto lahat mula sa immediate family maging ang Eigenmann Clan.

Hindi naman itinanggi ni De Mesa sa kaniyang caption nito sa instagram ang pagka-miss nito kay Cherie at sa nakatatanda rin nilang kapatid na si Mark Gil na namayapa naman noong 2014.

Magugunitang,  namayapa ang aktres na si Cherie Gil noong august 5 sa edad na 59 matapos ang pakikipaglaban sa Endometrial Cancer.

Nilinaw ng actress-singer na si KC Concepcion na walang namuong relasyon sa kanila ng International Hip-Hop at Black Eyed Peas member na si Apl.De.Ap.

Kasunod ito ng matagal nang usap-usapan na mayroong special relationship ang dalawa.

Ayon kay KC, hindi naging sila at malapit na kaibigan niya lang si Apl kung saan, nirerespeto niya ito dahil mabait at mahilig itong magpatawa sakaniya.

Iginiit pa ng aktres na wala siyang love life sa ngayon pero siniseryoso na niya ang usapin pagdating sa pag-ibig.

Nilinaw din ni KC, na busy ang hip-hop singer sa kaniyang trabaho at mahirap makipagdate sa states dahil karamihan sa mga ito ay casual lang ang gusto at hindi ang serious relationship.

Nakatanggap ng payo ang aktor na si Ruru Madrid mula sa batikang showbiz columnist na si Manay Lolit Solis.

Kasunod ito ng television drama action series na pinagbidahan ni Ruru at naging number 1 rating sa tv dahil gabi-gabi umano itong inaabangan ng mga manunood dahil sa galing niya sa pag-acting.

Ayon kay Manay Lolit, napaka-swerte ni Ruru dahil hindi bumitaw ang mga manunood kung saan, tatatak sa kaniyang mga taga-suporta ang ipinakita nitong acting skills.

Sinabi pa ni Manay na tama lang na ipagpatuloy ni Ruru ang pagiging professional at pagkakaroon ng kababaang loob upang magtagal ang kaniyang kasikatan at patuloy na pumasok ang suwerte.

Ginulat ni Sarah Geronimo ang mga netizens at fans sa kanyang bagong ‘look.’

Sa Instagram page ng makeup artist ni Sarah, makikitang blonde na ang bob cut hair ng pop star.

Inulan naman ng komento ang naturang post, kung saan ilang netizens ang nagsabi na bumagay sa singer-actress ang bago nitong hairstyle.

After five years, maglalabas muli ng album ang actor-singer na si James Reid.

Sa Twitter post ni James, sinabi nito na sa Oktubre gagawin ang album-launching.

Unang nakaplano na gawing Extended Play (EP) ang bagong awitin ni James pero napagpasyahan nitong maglabas na lang ng maraming awitin para sa kaniyang mga fans.

Hindi naman nagbigay ng iba pang detalye ang aktor sa kaniyang album launching pero binigyang-diin nito ang mga katagang #lovescene.

Matatandaang una rito, umugong ang mga balitang makikipag-collaborate ang Own Label Careless Music ni James sa  K-Pop Agency na Starship Entertainment.

Ito ay matapos bumisita sa Agency ang aktor kasama si Careless CEO Jeffrey Oh at ang aktres na si Liza Soberano.