Inaresto ng Marikina City Police ang caretaker nang University official na una nang natagpuang patay sa loob ng kaniyang bahay.
Ang suspek na si Glen Palasan, 29 anyos ay dinampot ng mga otoridad habang gumagamit ng iligal na droga sa Bayan Avenue sa Concepcion Uno.
Matapos ang background check nabatid ng mga imbestigador na si Palasan ay kilalang drug personality sa kaniyang bayan sa Surigao.
Sinasabing ayaw maniwala ng mga otoridad sa pahayag ni Palasan na nasa labas siya nang paslangin si Professor Alfredo Dimaano, Vice President ng Pamantasan ng Lungsod ng Marikina gayung may mantsa ng dugo sa t shirt nito.
Ayon pa sa mga otoridad si Palasan at isang bata na nakita sa CCTV na tumatakas sa crime scene ay posibleng nagsabwatan para paslangin si Dimaano.
By: Judith Larino