Nasa P30- B ang pondong inilaan para sa kalamidad sa ilalim ng 2023 national budget.
Ayon kay Finance Committee Chairman Senator Sonny Angara, ito ay upang matugunan ang mga pangangailangan at pagsasaayos sa pinsalang dulot ng mga tumatamang kalamidad sa bansa.
Higit aniya itong mas malaki kumpara sa calamity funds sa mga nakalipas na taon.
Naniniwala si Angara na sa laki at lawak ng pinsala ng magkakasunod na bagyo ay nararapat lamang na mataas ang ilaan na pondo para sa pagtugon sa kalamidad.
Tiniyak din ni Angara na bukas ang komite sa mga posibleng pagbabago sa pambansang budget lalo na kung ito naman ay makakatulong sa taumbayan at magpapahusay sa pagtugon ng pamahalaan sa kalamidad. - sa ulat mula kay Cely Ortega- Bueno (Patrol 19).