Inaresto ang 3 katao sa isinagawang buy bust operation ng mga tauhan ng Makati City Police.
Nakakulong ngayon sa Detention Cell ng nasabing himpilan ng pulisya ang mga suspect na sina Nico Mazo, Joey Domdoma, at Mary Joy Garcia.
Ayon kay Makati City Police Chief Senior Superintendent Milo Pagtalunan, bago sila nagsagawa ng buy bust operation, nagpanggap muna sila na bibili ng shabu sa mga suspek.
Narekober sa mga suspect ang 3 plastic sachet na naglalaman ng hinihinalang shabu na may timbang na 0.7 gramo.
Samantala, sasampahan ng kasong paglabag sa Republic Act RA 9165 sa Makati Prosecutor’s Office ang mga naarestong suspect.
By: Avee Devierte / Allan Francisco
