Ilang biyahe sa Parañaque Integrated Terminal Exchange (PITX) ang kinansela matapos magkulang ang mga bus.
Kabilang sa mga kinanselang biyahe ang mga patungong Lipa at Batangas Cities; Matnog, Sorsogon; Maasin, Southern Leyte; Lucena City, Quezon; Pio Duran, Albay at Bagamanoc, Catanduanes.
Tiniyak naman ng PITX na sasaluhin ng ibang bus companies ang mga pasaherong apektado.
Ipinaalala rin ng PITX na asahan pa rin ang mabigat na daloy ng trapiko sa paligid ng terminal dahil sa patuloy na pagbabalik-Metro Manila ng mga pasaherong nagbakasyon sa mga porbinsya. –sa panulat ni Jenn Patrolla
