Pinag-iingat ng PHIVOLCS o Philippine Institute of Volcanology and Seismology ang mga residente sa paligid ng Bulkang Kanlaon sa Negros Occidental.
Ito’y makaraang makapagtala ng 13 volcanic quakes ang nasabing bulkan sa nakalipas na magdamag.
Batay sa pinakahuling datos ng ahensya, nasa 12 tonnes per day ng sulfur dioxide ang inilalabas ng bulkan at mayruon din itong deformation.
Muling ipinaalala ng PHIVOLCS na bawal ang pagpasok sa 4 kilometer radius permanent danger zone bunsod ng pag-iral ng alert level 1 dito.
By Jaymark Dagala
