Dapat iprayoridad ng pamahalaan ang pagbabakuna ng booster shots sa mga matatanda laban sa COVID-19.
Ito ang panawagan ni vaccine expert panel (VEP) Dr. Nina Gloriani ng DOST na kailangan isama ang mga senior citizens sa priority list ng mga mabibigyan ng booster dose sa gitna ng roll-out nito para sa mga health care workers ng bansa.
Paliwanag pa ni Gloriani, humihina na ang bakuna matapos ang anim na buwan na maaaring maikli ito sa ilang sektor gaya ng matatanda at indibidwal na may comorbidities.
Habang sa mga may malakas na immunidad, humihina naman ang bakuna pagdating ng walo hanggang sampung buwan.
Samantala, sinabi naman ni Gloriani na posibleng simula ang pagbabakuna sa matatanda sa 3 Day Vaccination Drive sa Nobyembre 29 hanggang December 1.
