Lumakas pa ang Severe Tropical Storm Bising at isa na ngayong Typhoon.
Ayon sa PAGASA, huling namataan ang sentro ni Bising kaninang alas-10 ng umaga sa layong 960 km, silangan ng Surigao City, Surigao del Norte.
Kumikilos ito sa direksyong kanluran, hilagang kanluran sa bilis na 15 km/h.
Taglay nito ang lakas ng hanging aabot sa 130 km/h at pagbugsong aabot naman sa 160 km/h malapit sa gitna.
Sa ngayon ay wala pang direktang epekto ang Bagyong Bising sa bansa.
Nananatili ring mababa ang tyansang tumama sa kalupaang bahagi ng bansa ang naturang bagyo.
