BIR official patay sa ambush sa QC

Patay ang isang opisyal ng BIR o Bureau of Internal Revenue nang tambangan sa Quezon City kaninang umaga.

Kinilala ni Superintendent Igmedio Bernalez, hepe ng station 2 ng Quezon City Police Chief ang biktima na si Alberto Enriquez, chief assessment ng BIR District 38.

Ayon kay Bernalez, kakababa lamang ng biktima sa kanyang SUV at nasa harap na ng tanggapan ng BIR nang lumapit sa kanya ang gunman at pinaputukan siya mismo sa mukha.

Iniimbestigahan na ng mga awtoridad ang insidente bagamat malaki ang posibilidad anila na may kinalaman sa trabaho ang pananambang sa naturang BIR official.

Batay naman sa CCTV footage, ang suspek ay backrider ng isang motorsiklo na ang plaka ay bigong makuha ng mga awtoridad.

By Judith Larino   

Comments

comments