Pumalo na sa 1,083 ang bilang ng mga Pilipino sa labas ng bansa na nasawi dahil sa COVID-19.
Ito’y dahil ayon Department of Foreign Affairs, may labing-apat pang Pinoy na pumanaw sa Gitnang Silangan at nadagdag sa nasabing listahan.
Bunsod naman ng labimpito pang bagong kaso mula sa Middle East, umabot na sa 17,099 ang kabuuang bilang ng mga Pinoy abroad na tinamaan ng virus.
Nananatili naman sa 10,122 ang total recoveries sa hanay ng mga Pinoy sa ibayong dagat dahil walang nadagdag sa nasabing bilang.
