Bahagyang bumaba ang bilang ng mga Pilipinong positibong bubuti pa ang lagay ng kanilang pamumuhay sa susunod na 12 buwan o isang taon.
Ito ay batay sa resulta ng survey ng Social Weather Stations (SWS) kung saan lumabas ang 86% ng mga Pinoy ang positibo pa rin ang pananaw sa buhay.
Mababa ito ng isang porsyento sa 87% na naitala nuong December 2017.
Samantala, tumaas naman sa 43% ang positibo ang pananaw sa ekonomiya ng Pilipinas habang 11% ang negatibo.
Isinagawa ang survey nuong Disyembre 16 hanggang 19 ng taong 2018 sa 1,440 Filipino adults.
