Umakyat na sa 23,468 ang bilang ng mga Pinoy na nasa abroad na nahawa ng COVID-19 matapos itong madagdagan ng 84 mga bagong kaso.
Ayon sa Department of Foreign Affairs, wala silang naitalang new COVID-19 cases sa Europe, Middle East at Africa.
Batay pa sa datos na inilabas ng ahensya, nakasaad na 68 ang nadagdag sa bilang ng mga gumaling habang anim naman ang nadagdag sa bilang ng mga nasawi sa naturang sakit.
Sa ngayon ay umabot na sa 8,342 ang aktibong kaso habang ang total recoveries ay nasa 13,731 at ang death toll naman ay pumalo na sa 1, 395.
Ang mga Pinoy sa abroad na tinamaan ng virus ay mula 103 mga bansa o teritoryo. —sa panulat ni Hya Ludivico