Sumampa na sa isandaan at animnapu’t apat (164) ang bilang ng mga nasawi habang isandaan at pitumpu’t isa (171) naman ang naitalang nawawala bunsod ng Bagyong Vinta.
Pero paglilinaw ni NDRRMC o National Disaster Risk Reduction and Management Council Spokesperson Mina Marasigan, kasalukuyan pa ring bineberipika ang nasabing bilang batay sa natatanggap nilang ulat.
Karamihan aniya sa mga nasawi ay bunsod ng mga pagbaha at pagguho ng lupa dala ng bagyo habang halos nasa kalahating milyong indibidwal naman ang kabuuang bilang ng mga apektado ng kalamidad.
Dalawampu’t isang libong (21,000) pamilya aniya ang nasa mga evacuation centers sa kasalukuyan habang nasa labing anim (16) na libong pamilya naman ang tumutuloy sa kanilang mga kaanak.
