Patuloy pang tumataas ang bilang ng mga lugar na isinailalim sa state of calamity dahil sa pananalasa ng bagyong Vinta.
Kabilang sa mga nadagdag na lugar ang Cabasalan sa Zamboanga Sibugay gayundin ang mga bayan ng Balabac, Aborlan at Bataraza sa Palawan.
Nadagdag din ang Tambulig, Zamboanga del Sur; Labason at Salug sa Zamboanga del Norte maging ang mga lalawigan ng Bacolod, Lanao del Norte.
Pag – amin ni NDRRMC Spokesperson Mina Marasigan, hirap pa rin sa suplay ng kuryente, tubig at signal ng cellphone ang ilang lugar sa Palawan, Agusan del Sur, Zamboanga Sibugay, Zamboanga del Norte, Misamis Oriental, Davao del Norte at Lanao del Sur.
Aniya, literal aniyang binibitbit ang poles at iba pang mga kagamitan na siyang kinakailangan sa pagkukumpuni ng mga nasirang tore ng kuryente at cellphone na siyang dahilan kaya’t natatagalan ang pagbabalik sa suplay ng mga ito.
