Umabot na sa 29 ang bilang ng mga batang tinamaan ng COVID-19 sa Pasig City.
Kinumpirma ito mismo ni Pasig City mayor Vico Sotto.
Ayon kay Sotto, nakita nila ang pagtaas ng kaso sa mga batang nagpopositibo sa COVID-19 kumpara noong mga nakaraang buwan.
Aniya, may mga pagkakataon pa na pami-pamilya ang pumapasok sa mga quarantine facility kasama ng kanilang mga anak.
Sa kabila nito, iminungkahi ni sotto na dapat munang kumpletuhin ng gobyerno ang pagbabakuna sa A1 hanggang A5 priority groups bago simulan ang pagbabakuna sa mga bata.—sa panulat ni Hyacinth Ludivico
