Natapyasan ang bilang ng mga batang Pilipinong hindi pa bakunado sa bansa ayon sa Department of Health.
Mula sa dating mahigit na isang milyon noong taong 2020 hanggang 2021, higit itong bumaba at pumalo na lamang sa 163,000 nitong 2023.
Sa pinakahuling datos ng DOH noong Pebrero 2025, nasa mahigit 1.5 milyong mga bata naman ang mayroong kumpletong bakuna na.
Sa kabila ng nasabing datos, nagbabala naman ang doh sa posibilidad na matigil o ma-reverse ito kung walang patuloy na sapat na pondo, supply chain support at political will sa lahat ng lebel ng pamahalaan.—sa panulat ni Jasper Barleta
