Nadagdagan pa ang bilang ng mga indibidwal na naaresto ng Philippine National Police (PNP) dahil sa paglabag sa ipinapatupad na gun ban.
Batay sa datos ng PNP, umakyat na sa 943 ang bilang ng mga indibidwal na kanilang naaresto kung saan kabilang dito ang 910 na mga sibilyan, walong police personnel, limang military personnel at 12 security guards.
Nagmula ang mga ito sa National Capital Region (NCR) na nakapagtala ng 299 offenders, sinundan naman ng Central Visayas na may 118 at Central Luzon na may 116.
Nakumpiska naman ang 733 na baril, 320 deadly weapons at 4,655 na mga bala mula sa 827 na police operations.
