Iniulat ng Philippine National Police (PNP) na pitong karagdagang coronavirus disease 2019 (COVID-19) cases ang kanilang naitala na naging dahilan kaya’t umabot na sa 105 police officers ang dinapuan ng virus.
Ayon sa PNP health service (PNPHS) Director Police Brigadier General Herminio Tadeo Jr., 17 sa mga nagpositibong pulis ang nakarekober habang tatlo naman ang binawian ng buhay.
Samantala, nanatili sa 85 ang active cases sa PNP, kung saan patuloy sila ngayong nilalapatan ng lunas, habang 370 PNP personnel ang nasa kategoryang probable persons under investigation (PUI), at 374 personnel naman ang pinagsusupetsahang PUI’s.
