Nagpafull-tank na ang maraming motorista dahil sa nakaamba na namang bigtime oil price hike ngayong linggo.
Bagama’t nagpapakiramdaman pa ang mga kumpaniya ng langis kung sino sa kanila ang mauuna, tiniyak ng mga source sa industriya na may pagtaas ng presyo sa langis.
Batay sa pagtaya, P0.90 sentimos hanggang P1 ang posibleng itaas sa presyo ng kada litro ng gasolina habang P0.10 hanggang P0.20 sentimos naman ang sa kada litro ng diesel.
Sa datos naman ng Department of Energy (DOE), malaki na ang naidagdag sa presyo ng langis sa pagsisimula ng taon kung saan, nakapagtala na ito ng P4.64 na sentimos sa gasolina habang P1.01 naman sa diesel sa kada litro.
By Jaymark Dagala
