Kinumpirma ng embahada ng Pilipinas sa Japan na mayroong 35 Pilipino mula sa Ishikawa na lumikas sa isang city hall.
Kaugnay ito sa naganap na magnitude 7.6 na lindol sa gitnang bahagi ng Japan noong Lunes, January 1.
Sa panayam ng DWIZ, sinabi ni Philippine Ambassador to Japan, Mylene Garcia-Albano na walang naiulat na nasugatan sa mga nasabing Pilipino.
Mahigit isang libong Pilipino aniya ang kasalukuyang nasa Ishikawa Prefecture ngayon kung saan naitala ang sentro ng lindol. - sa panulat ni Maianne Palma