Pagkakaisa laban sa coronavirus disease 2019 (COVID-19).
Dito sumentro ang mensahe ni US President elect Joe Biden sa pagdiriwang ng Thanksgiving.
Umapela rin si Biden sa lahat ng mga Amerikano na maging matatag at hiniling nitong tiisin muna ang mga paghihigpit sa pagpapatupad ng mga biyahe at mga pagtitipun tipon para malabanan ang pandemya.
Naging bahagi rin ng Thanksgiving message ni Biden ang pananampalataa, tapang at sakripisyo kahit sa harap ng pagdurusa.
Binigyang diin ni Biden na mula sa sakit ang posibilidad, mula sa pagkabigo ang pagunlad at mula naman sa paghati hati nabuo ang pagkakaisa.
