Naghahanda na ang Bureau of Immigration (BI) sa inaasahang pagdagsa ng mga pasahero ngayong papalapit na ang holiday season.
Kaugnay nito, sinabi ni Immigration Spokesperson Dana Sandoval na bawal muna na mag-leave o magbakasyon ng kanilang mga kawani.
Maliban dito, nagdagdag na rin aniya sila ng 99 na immigration officers sa mga paliparan at pantalan upang makatulong sa mabilis na pagpuproseso.
Sinabi pa ni Sandoval na muli ring pinagana ang E-Gates o Electronic Gate System at tiniyak na palagi itong isinasailalim sa sanitation para sa kaligtasan ng mga pasahero at mga empleyado.
