Dinagsa ng mga mamimili ang ilang pamilihan ng mga paputok sa Bocaue, Bulacan isang linggo bago magbagong taon.
Sa kabila ng mahigpit na pagmomonitor ng Philippine National Police (PNP) sa ilang lugar at tindahan na nagbebenta ng paputok ay dumoble ang bilang ng mga mamimili ilang araw bago ang pagpasok ng taong 2022.
Ayon sa ilang mamimili, isiningit nila ang pagbili ng paputok dahil tradisyon na ito ng kanilnag pamilya kung saan, bumagal ang daloy ng trapiko dahil sa dami ng mga bumibili.
Ikinatuwa naman ng mga vendor ang pagdagsaan ng mga mamimili dahil bumalik umano ang kanilang kita at puhunan.
Samantala, patuloy paring ipinapaalala ng pnp na bawal parin ang pagbebenta ng watusi, piccolo, 5-star, pl-pla, judas belt at iba pa.
Bukod pa diyan, hindi rin umano pinapayagan ang mga sobrang laki at sobra sa timbang na mga firecracker at pyrotechnic device imported man o gawang-lokal.
Layunin ng PNP na maiwasan ang fire related incidents sa bansa kung saan, mas mainam kung gagamit na lang ng pailaw at torotot sa bagong taon.–Sa panulat ni Angelica Doctolero
