Umapela si Senador Christopher ‘Bong’ Go na dapat masusing pag-aralan ng ilang ahensya ng pamahalaan ang ipinatupad na reduced physical distancing sa mga pampublikong transportasyon.
Ayon kay Go, mas makabubuting balansehin ng pamahalaan ang isinasagawa nitong paraan sa pagpapabangon sa ating ekonomiya, at tuloy-tuloy na pagpapairal ng safety protocols kontra sa nagpapatuloy na banta ng coronavirus disease 2019 (COVID-19).
Magugunitang welcome sa ilang ahensya ng gobyerno ang pagbabawas sa physical distancing sa mga pampublikong transportasyon, gayundin ang pagsuporta rito ng pamunuan ng Inter-Agency Task Force. —ulat mula kay Cely Ortega-Bueno
