Nadagdagan pa ang mga kanseladong biyahe sa Parañaque Integrated Terminal Exchange (PITX) papunta sa iba’t-ibang lalawigan.
Dahil ito sa masamang panahon na nararanasan dala ng bagyong Paeng.
Maliban sa Iloilo, Ormoc, at Davao, kanselado na rin ang biyahe patungo ng Roxas, Oriental Mindoro maging sa Bagamanoc, Catanduanes.
Ayon sa pamunuan ng PITX, posible pa itong madagdagan depende sa magiging lagay ng panahon.
Nabatid na nasa 25,528 na ang mga pasahero sa naturang terminal ngayong araw na inaasahang dadami pa sa mga susunod na araw.
