Nagpositibo sa COVID-19 ang isang 2 taong gulang na batang lalaki sa Butuan City.
Ayon sa Department of Health (DOH) ng CARAGA Region, ang pasyenteng ito ang pinakabatang tinamaan ng virus sa lungsod.
Nabatid na nahawa ang bata sa kanyang ama na asymptomatic na patuloy na nagpapagaling sa isang quarantine facility.
Dahil dito, umabot na sa 368 ang COVID-19 cases sa Butuan City na mayroong 169 recoveries at 15 death toll.
Nakapagtala naman ng pinakamataas na bilang ng COVID-19 cases ang Barangay Libertad makaraang umabot sa pito ang mga nagpositibo doon.
