Inihayag ng Inter Agency Task Force (IATF) na mananatili ang probinsiya ng Batanes sa alert level 2 hanggang sa a-15 ng Pebrero.
Sa ilalim ng panuntunan ng alert level 2, nasa 50% na kapasidad lamang ang papayagan sa indoor habang 70% naman sa outdoor.
Sa kasalukuyan wala pang ipinatutupad na granular lockdown kahit tumataas na ang aktibong kaso ng Covid-19 sa ibang mga bayan.
Sinabi ni Basco Mayor Demeritus Paul Narag, nakabase ang pagdeklara ng granular lockdown sa trend o datos ng Covid-19 cases at rekomendasyon ng health team at konsultasyon sa mga barangay officials.
Samantala, hanggang sa ngayon ay sarado pa din sa turismo ang probinsiya simula nang magkaroon ng pandemya.
