Viral sa social media partikular sa Facebook at Instagram ang larawan ng sinasabing pagbabagong-buhay ng aktor na si Baron Geisler.
Sa kanyang Instagram post, inihayag ni Baron ang kanyang pagbabalik-loob sa Diyos at talikuran ang kanyang nakaraan.
Aminado ang aktor na malaking pagbabago ang kanyang naranasan simula nang dinggin ang tawag ng Panginoon upang iparating naman sa iba ang mensahe nito.
Kabilang sa mga pagbabagong ito anya ay ang pagsali niya sa Maranatha Christian Fellowship, isang “Bible-based, Spirit-led Congregation” sa Cebu.
Dito ibinahagi ni Baron ang kanyang mga karanasan maging ang issue ng mental health.
Agad namang umani ng papuri mula sa fans ang panibagong yugto sa buhay ni Baron at hinimok na ipagpatuloy ang pagpapalaganap ng mabuting balita ng Diyos at i-ahon ang mga katulad niyang nasadlak sa mabigat na hamon.
Maka-ilang beses nang nasangkot sa iba’t ibang gulo ang aktor na aminadong alcoholic at naglabas-masok sa rehabilitation center.
