Patay ang Barangay Kapitan ng Lasagan sa General Salipada Pendatun, Maguindanao matapos pagbabarilin ng mga ‘di pa nakikilalang suspek sa Mlang, Cotabato.
Ayon kay North Cotabato Police Provincial Office Spokesperson Superintendent Bernard Tayong, kinilala ang biktimang si Mely Mecaton-Pinagayao, 44-anyos.
Sakay si Pinagayao ng motorsiklo nito ng barilin ng malapitan ng dalawang suspek.
Nagtamo ng maraming tama ng bala sa iba’t ibang bahagi ng katawan si Pinagayao.
Patuloy namang tinutugis ng mga otoridad ang mga suspek at kanila ngayong tinutukoy ang pagkakakilanlan ng may-ari ng motorsiklo na ginamit sa pagtakas ng mga ito.
By Ralph Obina
