Nagbabala si Senadora Grace Poe sa aniya’y band-aid solution na ginagawa ng administrasyon upang madagdagan umano ang mga maipagmamalaking accomplishment ng pamahalaan sa pagtatapos ng termino ng Pangulong Benigno Aquino III.
Ibinunyag ni Poe ang ginagawang pagkukumahog ng gobyerno para makumpleto o maayos ang mga proyektong pang-imprastraktura upang masabing natapos ang lahat ng ito sa panahon ng Pangulong Aquino.
Giit pa ng senadora, ang legacy o pamanang dapat iiwan ng administrasyon ay dapat iyong mapapakinabangan at hindi magpapadagdag pa sa problema’t pagdurusa ng taumbayan.
Ilan na rito aniya ang walang tigil na pagkukumpuni ng mga kalsada na aniya’y hindi na nakatutulong bagkus, nakdaragdag pa sa pasanin ng taumbayan sa problema ng trapiko.
By Jaymark Dagala
