Nagkaruon ng balasahan sa Philippine National Police (PNP) dahil sa pagreretiro ng ilang opisyal nito.
Kabilang dito, ayon kay Police Brig. Gen. Bernard Banac, Spokesman ng PNP, sina Pol. Brig. Gen. Joselito Esquivel na bagong Police Regional Office 13 (PRO 13) Regional Director mula sa pagiging hepe ng Quezon City Police District (QCPD).
Mula naman sa pagiging regional director ng Caraga police, nailipat si Pol. Brig. Gen. Gilberto Cruz bilang Integrated Police Operations sa northern Luzon.
Itinalaga naman si Pol. Brig. Gen. Alfred Corpus bilang Police Regional Office 12 (PRO 12) Regional Director.
Ilan pa sa nabigyan ng bagong puwesto sina Pol. Brig. Gen. Omega Jireh Fidel bilang director ng PNP Engineering Service, Pol. Brig. Gen. Rey Lyndon Lawas bilang director ng Training Service at Pol. Col. Ronnie Montejo bilang acting District Director ng QCPD.
