Haharangin ng kampo ni Senador Leila de Lima ang balak ng Department of Justice na ma consolidate ang tatlong kaso nito sa Muntinlupa RTC.
Sinabi ni Atty Lorelee Granado, abogado ni De Lima na nais muna nilang maresolba ang pagpapa inhibit nila kay Branch 24 Judge Juanita Guerrero.
Ayon kay Granado posibleng nagkaruon nang pang aabuso ang Huwes ng maagang maglabas ng arrest warrant kahit may mga nakabinbin pang mosyon ang magkabilang kampo.
Inaasahan namang tatamaan din ng gag order si Justice Secretary Vitaliano Aguirre sakaling ilabas ito ng korte.
Magugunitang mismong ang DOJ ang humiling nito dahil sa patuloy na pagtalakay ng defense lawyers sa merito ng kaso sa publiko.
By: Judith Larino
