Aabot sa 271 na Overseas Filipinos mula Vietnam ang naiuwi ng Department of Foreign Affairs (DFA) nitong Linggo.
Sakay sila ng special chartered flight mula sa nasabing bansa.
Sa isang pahayag, sinabi ng DFA na 163 sa mga ito ay galing sa Ho Chi Minh City at 108 naman ang nagmula sa Hanoi.
Napauwi ang mga Pinoy dahil sa epektong dulot ng COVID-19 pandemic.
Makakatanggap naman ng libreng swab test at quarantine facility kasama ang $200 na assistance. —sa panulat ni Rex Espiritu