Nais pagpaliwanagin ni Senator Ping Lacson ang Department of Justice o DOJ kung bakit walang nakasuhang opisyal ng Bureau of Customs o BOC kaugnay ng pagkakalusot ng 6.4 bilyong pisong shabu shipment mula China.
Ayon kay Lacson, kaduda-dudang walang nakasuhan gayong mga taga-BOC naman ang pumirma para mailabas ang mga kargamento.
Sang-ayon din dito si Senador Richard Gordon na nais hingan ng paliwanag si Justice Secretary Vitaliano Aguirre kaugnay ng naturang usapin.
Una rito, sumuko sa tanggapan ng National Bureau of Investigation o NBI si Customs Broker Mark Taguba na isa sa mga kinasuhan kaugnay ng mga lumusot na iligal na droga.
—-
