(11 AM Update)
Bahagyang humina ang bagyong Queenie habang patuloy na kumikilos pa hilaga-kanlurang direksyon.
Ayon sa PAGASA huling namataan ang bagyo sa layong 795 kilometro silangan ng Basco, Batanes.
Taglay pa rin nito ang lakas ng hanging aabot sa 185 kilometro kada oras at pagbugsong aabot sa 225 kilometro kada oras.
Kumikilos ito sa bilis na 15 kilometro kada oras sa direksyong pa-hilagang kanluran.
Hindi naman inaasahan ang pagtama ng bagyo sa kalupaan.
Gayunman posible pa rin itong magdala ng mahina hanggang sa katamtamang mga pag-ulan sa silangang bahagi ng bansa.
Inaasahang lalabas ang bagyo sa Philippine Area of Responsibility (PAR), Biyernes ng umaga.
—-
