Pansamantalang isinara sa daloy ng mga sasakyan ang Kennon Road bunsod ng mga naitalang pagguho ng lupa sanhi ng mga pag-ulang dala ng bagyong Egay.
Kasunod nito, pinayuhan ng Department of Public Works and Highways o DPWH ang mga motorista na iwasan muna ang pagdaan sa Kennon Road sa halip, dumaan muna sa Marcos Highway.
Maliban sa Kennon Road, sarado rin ang Baguio – Bontoc Road partkular sa Aw-awigan section sa Sabangan, Mt. Province.
Sarado rin sa mga sasakyan ang Twinriver Road sa Itogon, Benguet kaya’t inaabisuhan din ang mga motoristang tahakin muna ang Midas-ucab Road.
Pagtitiyak naman ng DPWH, puspusan ang kanilang ginagawang clearing operations sa mabuksan ang mga nabanggit na kalsada sa lalong madaling panahon.
By Jaymark Dagala
