Nagpatupad ng ban ang pamahalaang panlalawigan ng Iloilo laban sa mga karneng baboy at pork products na magmumula sa Eastern Visayas Region.
Ito ay matapos iulat ng Department of Agriculture (DA) ang mga bagong kaso ng African Swine Fever (ASF) sa Leyte at maging sa Masbate.
Batay sa ipinalabas na Executive Order (EO) ni Iloilo Governor Arthur Defensor, idinagdag ang Eastern Visayas sa kanilang listahan ng mga teritoryo at lugar sa bansa na hindi maaaring magpasok ng baboy, karneng baboy, pork products at by products sa lalawigan.
Dagdag ni Defensor, kinakailangan dumaan sa masusing disinfection ang lahat ng mga ibibiyaheng karneng baboy at pork products, papasok at palabas ng lalawigan.
Kinakailangan ding mayroon itong updated na disinfection clearance na nilagdaan ng livestock technician o sinomang awtorisadong tauhan ng pamahalaan.