Binasag na ng social media personality comedian-actress na si Awra Briguela ang kaniyang katahimikan hinggil sa sitwasyon ng relasyon ng Vlogger-Youtuber na Zeinab Harake at rapper singer-song-writer na si Daryl Ruiz o mas kilala bilang si “Skusta Clee.”
Sa naging video interview at mother’s day episode ni multimedia star Toni Gonzaga, matatandaang naging emosiyonal ang kaibigan ni Awra na si Zeinab sa kaniyang pagbabahagi ng kwento sa kaniyang naranasang sakripisyo at paghihirap sa buhay bilang isang ina at partner sa nasabing rapper.
Nabatid na ilang beses dumaan sa alanganin ang relasyon ng dalawa kung saan, nakunan pa si Zeinab sa kaniya sanang second baby dahil sa nararanasang stress at anxiety.
Sa naging patutsada ni Awra sa kaniyang Twitter account, tila pinatatamaan niya ang rapper na si Skusta Clee kung saan, naging makapal umano ang mukha nito dahil kahit huling-huli na ang ginagawang pagkakamali nito kay Zebby ay hirap parin itong umamin sa kaniyang kalokohan.
